Ljúgðu að mér, ástin mín.

"Stjórnmálaflokkar sem eiga sæti á Alþingi hafa „ríkisvætt“ sjálfa sig með því að úthluta sér árlegum framlögum úr ríkissjóði, miðað við þingstyrk." MBL.is

Hér er komin fullgild ástæða til að kjósa ekki stóru flokkana. Þeir hafa meira fé, okkar fé, og munu nota það til að sýna okkur hvað þeir eru miklu betri en hinir. Við erum að borga þeim til að þeir geti lagfært sannleikann fyrir okkur. Ég mæli með því að fólk hlusti ekki á auglýsingar og áróður. Hlustið á það sem frambjóðendur segja og berið það saman við það sem þetta fólk hefur gert hingað til. Kjósið eftir því. Ekki gleyma því sem á undan er farið. Ekki gleypa við glansmyndum af fótósjoppuðum jakkafataköllum og sætum stelpum. Ekki láta skrumið plata ykkur.

Burt með áskrifendur að peningunum okkar! Við erum nógu skuldug samt.

Dýr kosningabarátta er ekki í spilunum

You Thumb Sucking Son of a Boyo

Geir er eins og ævintýrapersóna. Hann er fallegur og góður, en þó virðist eitthvað vera ekki eins og það á að vera. Svo þegar honum er bolað frá, breytist hann í þá kynjaveru sem hann var alltaf inni við beinið og bítur og brennir borgir og brýr. Hann talar um hatur og dásamar þá sem þjóðin urrar sem mest yfir. Í hvert sinn sem hann opnar munnin gapar þjóðin meira. Held ég.

Geir, ef þú vilt ekki eyða út restinni að fylgju sjallanna, ekki tala. 

Ég er að dunda mér við að setja HD myndbönd inn á netið. Allt sem ég hef gert sem lítur þokkalega út eða er ekki hundleiðinlegt mun koma til með að prýða mína nýju þútúpu síðu. Mér fannst þetta viðeigandi við þetta tækifæri. Mugison og hans fallegi fagurgali um þumalsugusoninn.

 

Geir þakkar stjórum Seðlabanka vel unnin störf

Ég vil hana!!!

Nú er ég svo æstur að ég á varla salt í grautinn. Ég er sennilega á leiðinni til Berlínar í vor eða sumar að taka upp eitt tónlistramyndband, eða þrjú. Fer eftir fjárlögunum. Ég emilaði auðvitað með það sama að ef það væri nokkur leið að nota þessa íbúð, yrði það að gerast. Verði hún enn í sama ástandi í mars, ætti þetta kannski að geta gengið upp. Nú er bara að bíða eftir því að KC og hennar fólk geri sitt besta. Þetta yrði svo kúl að ég myndi nota trefil!

Datt svo í hug að henda inn smádæmi sem ég tók upp með henni í fyrra. Ekki sama lag og síðast.

 

PS. til moggafólks. Nýju youTube myndböndin eru 480x295, en ég get ekki sett það hér inn. 

Ósnortin íbúð frá tímum kommúnistastjórnarinnar kemur í leitirnar

Gæludýraverkefni

Lýst vel á þetta. Storkostlega skemmtilegt "pet project" fyrir einhvern sem veður í seðlum. Þetta gæti verið einhvers konar tölvuleikur fyrir hann, nema bara miklu skemmtilegri. Ekki bara að hann græði á þessu, sem er auðvitað aðal málið, heldur verður hann vinsæll ef vel gengur og sér fram á styttu af sjálfum sér á áberandi stað í framtíðinni.

Bjóðum ástralann velkominn, en biðjum hann að klæða sig vel. 

Vill taka þátt í uppbyggingu Íslands

Mats tveggja ára!!!

Mats Kilian er tveggja ára í dag. Hann heldur að hann sé orðinn stór, því hann neitar að sofa. Gerði það líka í nótt. Vona að hann sofi vel í nótt, eftir að fá köku í kvöld. Svo verður haldin veisla á laugardag, svo ef einhver er í námunda við Halfweg í Hollandi er bara um að gera að mæta.

 

 

Litið til baka

Það er oft sagt að þjóðin hafi ekki séð hrunið fyrir, við flutum sofandi að feigðarósi á jeppunum okkar. Ég var byrjaður að blogga löngu áður en þessi stjórn tók til valda, svo það gæti verið skondið að sjá hvað ég skrifaði þegar hlutirnir voru að gerast.

13.05.07 - Stjórnin Fallin!
Væri Ísland eitt kjördæmi hefði stjórnin nú 48.4% atkvæða, hún væri því fallin. ... Ríkisstjórn Sjálfstæðisflokks og Samfylkingar (42 þingmenn) yrði sterkasta stjórnin í stöðunni eins og hún er núna, með 42 þingmenn á móti 21. Ég spái að þetta verði ofan á. ... Þessi stjórn myndi sennilega halda áfram á svipaðri braut og gamla stjórnin þar sem sjálfstæðismenn eru sterkari flokkurinn. Það er hugsanlegt að eitthvað verði hægt á stóryðjumálum í bili, en þegar hægir um og stjórnin er búin að koma sér fyrir fer það allt af stað á ný. Vilji Samfylkingarinnar til að stoppa stóriðju er ekki nógu sterkur til að eitthvað gerist í þeim málum.

14.05.07 - 5%
Þetta eru mikil vonbrigði fyrir Ísland, íslendinga og lýðræðið í landinu. Ég hélt að kosningalöggjöfinni hefði verið breytt á undanförnum árum til að gera vægi atkvæða jafnara og dreifingu þingsæta réttlátari. Við virðumst hinsvegar vera á svipuðu róli og Bandaríkin þar sem atkvæði eru ekki það sem skiptir mestu máli. 

11.09.07 - Skjóta gæðinginn í hausinn
Ísland er alveg sérstaklega fallegt land... ennþá.
Ísland er sjálfstætt ríki... ennþá.
Ísland er ríkt... ennþá.

16.11.07 - Imagine no possessions, voru þessir peningar til?
Hvað er eign? Ef þetta er húsið mitt, af hverju skulda ég einhverjum banka næstum allt verðgildi þess? Hvernig getur banki búið til peninga úr engu? ... Peningurinn á reikningnum mínum er færður inn sem skuld bankans, en á móti er lánið mitt eign bankans. Þessar færslur eyða hvorri annari út, ég keypti húsið fyrir ekkert.

22.11.07 - Launaþrælar
Það er vont að vita til þess að í alsnægtarþjóðfélaginu á Íslandi hafi 60% þjóðarinnar ekki efni á að kaupa sér húsnæði. ... Hver sem ástæðan er, þá er það greinilegt að á Íslandi er ekki það þjóðfélag sem við vildum, unnum að og héldum að við byggjum í. ... Hvað er að þjóðfélaginu? Hvernig má bæta það? Ef íslendingar geta ekki lifað af launum sínum, hver getur það þá? ... Stöndum saman og gerum Ísland að draumalandinu sem það ætti að vera.

31.01.08 - Bleikar nærbuxur
Hér er lítil spurning. Er Alþingi íslendinga óhæft? ... Meðan rifist er um hvort börn megi klæðast bleikum og bláum nærbuxum, hvort ráðherra sé frú, hvort byggja eigi göng til Vestmannaeyja og flugvöll á skeri eru lög landsins hálfkveðnar vísur. Það er eitt að alþingi geti ekki lokað reykherbergi (sem það leyfir sjálfu sér að njóta), en þegar ríkisstjórn Íslands skilur ekki hvernig leiga virkar er ég svo hissa að ég fer að skrifa færslu um nærbuxur.

15.03.08 - Ingibjörg, er þetta rétt. Ertu að fremja pólitískt sjálfsmorð?
Ingibjörg Sólrún getur látið eins og Írak hafi aldrei gerst. Hún getur látið eins og Taiwan sé Árnessýsla þeirra kínverja, hún getur talað um eitt Kína meðan tíbetar eru myrtir. Hún getur gert hvað sem hún vill, en ekki gera það í mínu nafni. Íslendingar vilja ekki dauða tíbeta og kúgaða taiwana í nafni viðskipta. Ég ætla að sleppa því að minnast á Falun Gong ævintýrið í bili. ... Við höfum ekkert erindi í öryggisráðið. Við þorum ekki að tala eftir eigin sannfæringu.

28.03.08 - Ég vil ekki nöldra...
„Að ljúga að öðrum er ljótur vani, að ljúga að sjálfum sér hvers manns bani”, sagði þar," sagði Davíð. Ég vil ekki vera leiðinlegur, en átti stóriðjan ekki að vera töfralausnin?

30.03.08 - Landráð?
Nú virðast flest spjót beinast að okkar eigin íslensku bönkum. Flest bendir til að þeir hafi eitthvað með hrun krónunnar að gera. 

04.04.08 - Barist á Bakka
Á endanum tók ég afstöðu á móti frekari stóriðju. Það var ekki vegna Draumalandsins, ekki vegna Kárahnjúka, ekki vegna neðri hluta Þjórsár. Ástæðan var þessi græðgi, þessi bulldozer hugsanaháttur.

22.06.08 - Einn kjósandi, eitt atkvæði, eitt kjördæmi
...þegar flokkur með 8% fær 5 þingmenn en flokkur með 6% einn og 4.9% engan? ... Er ekki kominn tími til að einfalda kosningakerfið? Einn kjósandi, eitt atkvæði, jafnvel eitt kjördæmi? Er ekki kominn tími á alvöru lýðræði, eða a.m.k. eitthvað í þá áttina?

26.06.08 - 1000 heimili undir hamarinn...
CNN var að tala um að íbúðamarkaðurinn í Bandaríkjunum væri svo veikur að ein milljón heimila væru að fara undir hamarinn. Svo maður setji þetta í íslenskt samhengi, eru það 1000 fjölskyldur sem væru að fara á hausinn. Það væri athyglisvert ef einhver veit hver staðan er heima. Hvað eru margir að missa heimili sín? Mun þetta hrun í USA hafa áhrif á Íslandi og viðar? Mun þetta verða til að ríkir verði enn ríkari með því að sópa til sín ódýrum fasteignum? 

01.08.08 - Brýnt að vanda sig
Það er líka hallærislegt af forsætisráðherra að láta sjást að hann sé ósammála ráðherra í hans eigin ríkisstjórn.  

18.08.08 - Samkeppni
Það er sorglegt að að koma heim og sjá hvernig komið er fyrir þjóðinni. Ein matvöruverslun (Bónus), ein verslun með afþreyingarefni (Skífan). 

Svo hrundu bankarnir og ég fór að nöldra og þykjast vita allt, eins og allir hinir. Ég bloggaði eiginlega um allt annað en stjórnmál og fjármál fyrir hrun. Ég var þó allavega samkvæmur sjálfum mér. Ég var ekki að lofsyngja gósentíðina á bleiku skýi með gula hörpu. Og ég keyri ennþá um á gamla bílnum sem var klesstur hér og skulda ekki krónu í honum.

Baksvið: Þingvallastjórnina þraut örendið

Kosningabarátta sem skiptir máli

Ég er búinn að missa álitið á Samfó, en vona að Jóhanna verði forsætisráðherra, komi til þjóðstjórnar. Hún hefur verið ljósið í myrkrinu síðan í byrjun október.

VG hafa safnað að sér gífurlegu fylgi. Nú kemur í ljós hvort þeir eigi það skilið. Taki þeir á málum af ákveðni og gegnsæji, munu þeir sennilega bæta við sig. Eitt feilskref, og þeir eru komnir niður í tíu prósentin, þar sem þeir ólust upp. Þjóðin er allt of vakandi, allt of pirruð til að fyrirgefa slepjuhátt.

Það eru spennandi tímar framundan. Nú er að sjá hvaða flokkur eða hópur fólks á atkvæðin skilið. 

„Nú reynir á Vinstri græna"

OMFG

Ég vona svo sannarlega að forsetinn hafi utanþingsstjórn í pípunum. Ég sé enga aðra stöðu eins og er.

Búsáhaldabyltingin virkaði. Til hamingju Ísland. Vonandi leiðir þetta til einhvers góðs. 

Stjórnarsamstarfi lokið

Konan mín...

...hefur líka stórkostlegan smekk fyrir karlmönnum. Enda er hún orðin dauðuppgefin á mér.

Annars get ég alveg sagt henni Heather af hverju hún er svona vinsæl. Money, hunny. Hver vill ekki deita ljósku sem er ekkert rosalega ljót og á tugi milljóna punda inná bók. Maður lætur sig hafa ýmislegt fyrir það, meira að segja kéllu sem þykist ekkert skilja. Að deita Heather er ágætis fjárfesting á þessum tímum samdráttar og atvinnuleysis.

Svo eru örugglega einhverjir sem vilja monta sig af þvi að vera kviðmágar Palla. 

Mills hrifin af nýju kærustu McCartney

Gras

Gaman að sjá að grasið vill verða grænna. Auðvitað er það hið besta mál að rótin komi fram með nýtt framboð. Ég vona bara að þetta verði eitthvað sem hægt er að kjósa. Það sem í boði verður í maí, verða gömlu flokkarnir með flottu merkjunum og flottu ræðumönnunum með dýru bindin og svo nýju grösin sem stama og segja bjánalega hluti vegna reynsluleysis. Og eru í grænum sokkum, en það er algert nónó ef maður vill láta taka sig alvarlega. Margt í stefnuskránni verður stórkostlegt, sumt of gott til að geta gengið og eitthvað verður sjálfsagt um hluti sem fá fagurbláa fuglaskoðara til að engjast um af kjánahrolli.

Nýju framboðin munu skipta 10% á milli sín og gamla liðið fær 80%. Við viljum nefninlega ekki henda atkvæðinu í framboð sem kemst örugglega ekkert inn, svo við krossum við sjallana, samfó eða frumsókn. Jú, og svo er það holskeflan sem kýs VG. Steingrímur J. verður forsætisráðherra, staða sem hann lét sér ekki detta í hug að hann myndi hreppa. Vesgú og verði þér að góðu. Ekki svelgjast á bitanum.

Hvað um það. Óska grasrótinni til hamingju, vona að hún verði málefnanleg og mæli með þessu, bara svona rétt til að gera rótina mýkri og atkvæðavænni. Know thy enemy or you shall die, sagði mér lítill fugl einhvern tíma.

Unnið að framboði grasrótarhreyfinga