5%

Þarf ég að segja eitthvað meira?

Nýtt þingframboð í undirbúningi

Skiftimint

This country needs change! 

Stjórnarskipti breyta engu

Uppnám

Ég vil byrja á að óska forsætisráðherra skjóts og fulls bata. Þó verð ég að lýsa furðu minni á að hann noti veikindi sín sem ástæðu fyrir kosningum. Það var orðið ljóst að ríkisstjórnin naut ekki stuðnings fólksins. Geir hefði átt að boða til kosninga fyrir löngu, taka til í Seðlabankanum og hjá FME og gera allt sem mögulegt var til að fá útrásarvíkingana til að skýra sín mál og hjálpa í uppbyggingingarstarfinu. Hefði hann gert þetta, væri fólki sennilega ljúft að leyfa honum að sitja fram að kosningum. Hann hefði kannski fengið slatta af atkvæðum. Meira að segja ég var að hæla honum strax eftir hrun. Hann hefði ekki fengið nóg til að hanga í stjórn, en nóg til að skilja við með reisn. Það er auðvitað orðið allt of seint og nú notar hann veikindi sín sem ástæðu fyrir kosningum. Ég er ekki alveg að fatta það.

Þorgerður Katrín verður forsætisráðherra. Það er hálf fyndið þegar maður spáir í tengsl hennar við einn bankanna. Það má þó eflaust ganga að því sem vísu að hún mun aldrei eiga afturkvæmt í embættið. Sjálfstæðisflokkurinn mun tapa á mælikvarða Framsóknar og öllu forystuliðinu verður skipt út. Svo verður hún rannsökuð, ásamt eiginmanninum. En þetta er nóg til að komast í kladdann og kannski er það málið. Að komast á lista yfir Forsætisráðherra Lýðveldisins.

Margir fara fram á að nú verði mótmælum hætt. Ég efast um að það muni gerast, því enn situr Davíð sem fastast og enn sefur sama fólkið á skrifstofum FME. Ég og fleiri töluðum um utanþingsstjórn fyrir löngu, en það er ekki tekið í mál. Af hverju ekki að fá fólk sem hefur vit á hlutunum, og var ekki viðriðið spillinguna sem kom hruninu af stað, til að stjórna landinu þar til eftir kosningar? Af hverju er aldrei það gert sem best er fyrir þjóðina?

Hvað um það. Geir, láttu þér batna. Þorgerður, njóttu meðan þú getur. Skríll, klæddu þig vel. 

Þorgerður leysir Geir af

Stuttmyndir.com

Skemmtilegt að sjá þennan vef verða að veruleika. Ég var auðvitað með svipaða hugmynd fyrir einhverju síðan, nema að sá vefur myndi halda utan um íslenskar stuttmyndir. Kvikmyndir, sjónvarpsþættir og tónlistarmyndbönd koma sér til skila til áhorfenda, en stuttmyndir yfirleitt ekki.

Hugmyndin var að setja inn lista yfir allar íslenskar stuttmyndir frá upphafi. Eigendur þeirra gætu svo sett myndina á síðuna og annað hvort leyft fólki að horfa, sækja eða kaupa hana. Myndir væri hægt að kaupa á DVD eða sem niðurhal. Þannig væri til einn staður þar sem hægt væri að sjá framtíðarleikstjóra og -leikara Íslands og sjá hvað grasrótin er að gera.

Ég skráði lénið Stuttmyndir.com á sínum tíma, svo hafi einhver vit á vefjun og áhuga á að hljálpa mér er það velkomið.

Samið um fjármögnun tónlistarvefjar

Áttavillt stöð?

Mér skilst að Kompás hafi verið þáttur sem gróf upp sönnunargögn og krafðist svara. Afsakið að ég viti þetta ekki almennilega, en hér fæ ég bara litríka og innihaldslausa leikjaþáttaþvælu það sem ég get unnið gullhúðað blöðru fulla af gulllituðum M&M's.

Þáttur eins og Kompás er íslendingum lífsnauðsynlegur, ekki satt? Sérstaklega núna. Hvað er á bak við þessa ákvörðun? Hver er að toga í spotta?

Ég er hættur að skilja. Endurtek bara það sem ég sagði í færslunni að neðan. Ef einhverjir blaða- eða fréttamenn vilja ættleiða www.NyjaIsland.is og gera úr því sterkan og alveg 100% óháðan fjölmiðil, þá er það alveg guðvelkomið. Nóg virðist vera af færu fréttafólki með nógan tíma aflögu. Því miður.

Kompás lagður niður

Gullið handaband

Ég vona að Sigmundur og Elín hafi unnið sér inn feitt og gullið handaband eftir 22 ára þjónustu við fyrirtækið. Það er hrikalegt að missa vinnunna, tala ekki um þegar bæði gera það á sama tíma.

Ég votta þeim því samúð mína og óska þeim til hamingju á sama tíma. Það verður fróðlegt að sjá hvað þau taka sér fyrir hendur. Mín vegna mega þau endurvekja Nýja Ísland, síðuna sem ég setti upp í fyrra. Það væri gaman ef að algerlega óháður fréttamiðill væri til.

Svo skilst mér að við séum frændur, en erum við það ekki öll, íslendingar? Þeim mun meiri ástæða að standa saman á næstu dögum og misserum.

Lifi Endurreisnin! 

Frjáls undan oki auðjöfra

Þolinmæðin dó í nótt

Í gær hélt ég ennþá að stjórnvöld væru ekki með á nótunum. Þau væru kannski ekki að fatta hvað þjóðinni finnst. Nóttin sýndi að þau vita nákvæmlega hvað er í gangi, þeim er bara skítsama. Að beita táragasi, lemja fólk og ráðast á fjölmiðlafólk er einu skrefi of langt. Kannski tveimur, en allavega of langt.

Það er kominn tími til að koma þessu liði frá. Spilling og "get ekki tjáð mig" ruglið er eitt, en að láta eins og einhverjis fasistar er allt annað mál. Komum þessu liði frá völdum, allra okkar vegna. Sérstaklega lögreglunnar vegna. Ég get ekki ímyndað mér að margir lögreglujónar njoti þessa ástands, þótt þar séu rotin epli eins og annars staðar. Fari stjórnin frá hætta þessi mótmæli og uppbyggingin getur hafist.

Geir og Björn gengu frá stjórninni í nótt. Þeir mega aldrei gegna opinberum stöðum eftir þetta, nema þeir geri grein fyrir sínum málum. 

Táragasi beitt á Austurvelli

Stjórnin fallin?

Hvað tekur við ef svo er? Ekki getum við kosið fyrir helgi. Er einhver tilbúinn með lista yfir fólk í þjóðstjórn sem starfar til kosninga? Það væru bestu fréttir í langan tíma.

Áfram Ísland! 

Fundað með flokksformönnum

...í hausi Geirs?

Mikið ofboðslega hefði ég gaman af því að vita hvað er að gerast í hausnum á Geir. Hann ákvað að sitja sem fastast. Ókei, því fylgdi viss áhætta en hefði hann staðið sig vel hefði það gengið upp og hann orðið þjóðhetja.

Hann gerði ekkert eða sagði okkur allavega ekki frá því. Útrásarvíkingarnir sem eyddu peningunum okkar og annarra ganga enn lausir. Það gengur ekkert í að draga spillingarliðið til saka. Elskan og Brúnn settu á okkur hryjuverkalög, Geir sagðist ekki myndu láta kúga sig en gerði ekkert. Hann gefur, þvert á móti, í skyn að við séum sek. Geir hefur ekkert gert. Ekkert.

Nú er allt að verða vitlaust og hann kemur með sömu tugguna.  Hann ætlar ekki að tjá sig um málið. Hann tjáir sig aldrei, svo við hverju var að búast.

Hvað ætli sé að gerast í hausnum á honum? Hvað er svo sterkt að hann fremji pólitískt sjálfsmorð fyrir það? Fyrir hvern er hann að vinna? 

„Fólk var að bíða eftir þessum degi“

Aumingjar

Þeir byrja á því að maka krókinn á okkar kostnað.

Svo leyfa þeir landinu að hrynja ofan í skuldafen án þess að gera neitt. Hvort sem það var viljandi eða óvart eru þeir óhæfir.

Svo héldu þeir áfram að gera ekkert, eða segja ekkert. Skiptir ekki máli. Þetta eru orðnar okkar skuldir og við eigum rétt á að vita hvað er í gangi.

Svo leyfa þeir fjárglæframönnum að skjóta ennþá meiri peningum undan og gera ekkert til að ná neinu frá þeim. 

Svo þegar þeir eru búnir að bora í nefið í fjóra mánuði, leyfa þeir sér að sprauta piparúða í andlitið á fólkinu sem á að borga brúsann og biðja um vinnufrið í leiðinni?

Er þetta fólk alveg gjörsamlega heiladautt? Út með þetta pakk með góðu eða illu. 

Piparúði og handtökur