Um Land, Þjóð, Fána og Þjóðsöng

Spaugstofan grínaðist með þjóðsönginn og virðist þar með hafa opnað box Pandoru. Margir eru móðgaðir yfir þessu "virðingarleysi". Það eru jú lög sem kveða á um að ekki megi flytja hann í breyttri mynd. En hvað er þjóðsöngur og hvert er hlutverk hans?

Það er engin spurning að af hinni þjóðlegu þrenningu, landinu, fánanum og söngnum er landið dýrmætast. Án landsins er fáninn og söngurinn einskis virði.

Þjóðsöngurinn á að fjalla um landið, hversu dásamlegt það er og okkur dýrmætt. Þjóðsöngurinn okkar fjallar hins vegar um Guð meira en hvað annað. Kristin trú er þjóðtrúin og nenni ég því ekki að kvarta um það. Að söngurinn sé torsunginn hafa aðrir skrifað um. Það er sennilega rétt. Allavega kann ég hann ekki og gæti sennilega ekki sungið hann þó svo væri. Ekki að ég hefði neinn sérstakan áhuga, því ef ég hugsa um landið mitt vil ég ekki endilega blanda Guði eða trú inn í það. Ísland, landið sjálft, er það dýrmætasta sem íslenska þjóðin á og landið á skilið alla þá virðingu og ást sem við getum gefið. Landið er okkar, landið ar þeirra sem á undan lifðu og landið er þeirra sem á eftir koma. Það er merkilegt að sjá fólk sem styður stórvægilegar skemmdir á landinu, óafturkræfar skemmdir, móðgast þegar þjóðsöngurinn er notaður til að verja landið. Þjóðsöngurinn ætti að vea eign allra landsmanna, sameiningartákn. Ef að gerð er þungarokksútgáfa er það betra en núverandi ástand þar sem flestum er nokkuð sama um þetta "kórlag".

Fáninn er líka svolítið skemmtilegt fyrirbæri. Hann er kross, tákn trúarinnar, en litirnir tákna eld, ís og haf. Það sem mér finnst hvað merkilegast hér er að fáninn má ekki snerta jörðina, jörðina sem hann er tákn fyrir. Það er sennilega ástæða fyrir því, en ég get ekki ímyndað mér hver hún er.

Þjóðin sem býr í landinu hefur rétt á að nýta það, njóta þess og elska. Þjóðin hefur ekki rétt til að þurrmjólka það svo að ekkert standi eftir fyrir komandi kynslóðir.

Það að standa vörð um fánann og þjóðsönginn en eyðileggja landið er hræsni. Á sennilega mikið sameiginlegt með fólki sem ver kirkjuna en gengur þvert á það sem trúin boðar. Þjóðsöngvar og fánar eru tákn fyrir landið, rétt eins og kirkjur og krossar eru tákn trúarinnar. Okkur væri hollast að bera virðingu fyrir því sem virkilega skiptir máli, landinu sjálfu og þjóðinni. Þá kemur virðing fyrir öðrum hlutum af sjálfu sér.

Spaugstofumenn brutu lög um þjóðsönginn

Athugasemdir

[Jórunn Sigurbergsdóttir , 27.3.2007 kl. 20:52]

Það eru víst deildar meiningar um þetta eins og allt annað en það er óþarfi að vanvirða þjóðsönginn. Svo er það bara annað hvernig skilning við leggjum í erindið og guðstrúina. fáninn okkar er líka tákn og það er sama með það við þurfum ekki endilega að leggja þennan kristna skilning í krossinn. Það á ekki að vanvirða landið okkar og eins er það þegar gildi eru lögð niður þá er kanski sammt í allskonar vanvirðingar. Þetta er br mín skoðun. Ég ætla samt ekki að gera nein læti út af henni. Gaman að sjá þig á blogginu aftur. 

[Jórunn Sigurbergsdóttir , 27.3.2007 kl. 20:53]

Æ ég var búin að skrifa og skrif ane mér gengur ekki að senda. Segi því bara það seinast það er gaman að sjá þig á blogginu aftur.

[Anna Brynja Baldursdóttir (IP-tala skráð) 8.4.2007 kl. 14:22]

Gleðilega páska - Jóel er víst með stuttu útgáfuna á disk fyrir mig en ég gat ekki downloadað og hlakka til að sjá þetta - hver er annars staðan? Og hvernig líður sæta prinsinum þínum og sætu konunni þinni?