É G L Í K A ! ! !

Þessi frétt er sólarhrings gömul og ekki ætlaði ég að blogga um hana. Það hefði hvort eð er bara farið út í eplatilbiðslu. Ég varð samt, eftir að ég fékk emil rétt í þessu.

Í augum flestra er Microsoft eitthvert nattúrulögmál. Þú kaupir tölvu og tölvur eru með Windows og Office. Þannig er það bara. Windows er líka best, því Linux virkar ekki fyrr en 50 nördar hafa sett hausinn í bleyti í viku og Makkinn er bara fyrir homma sem hanna föt og kannski 101 týpur og grænmetisætur sem búa til auglýsingar og eru í einhverju listamakki.

Raunveruleikinn er eitthvað öðruvísi. Síðasta Linuxið sem ég skoðaði var Ubuntu. Það leit skemmtilega út og gat, virtist vera, allt sem tölvunotandi þarf að gera. Þetta var þó fyrir fimm árum og ætla ég ekki að tjá mig um hvernig það er í dag. Sennilega betra þó.

En af hverju skrifa ég ÉG LÍKA að ofan á svona frekjulegan hátt? Vegna þess að svona virkar Örmjúka Fyrirtækið. Ég man ekki eftir neinu sem Microsoft fann upp (athugasemdir eru velkomnar ef ég er að bulla). Stýrikerfið er byggt á Mac OS sem er aftur fengið að láni frá Xerox. Office er stæling á Lotus 1-2-3, Word Perfect og fleiri forritum. Xbox kom á markaðinn þegar MS sá að aðrir voru að græða á leikjatölvum. Microsoft Messenger stældi ICQ illa en stal þó markaðinum. Windows95 var billjardgrænt ljósrit af MacOS enda kvartaði Apple á sínum tíma. Windows Vista er gljáfægð, enda kalla þeir þetta AeroGlass eða eitthvað. Sami effekt var kallaður Aqua á Makkanum þegar hann var kynntur kring um 2000. Gluggar sem færa sig svo maður sjái hvað er opið eru sniðugir. Þeir heita Exposé í OSX og hafa verið í kerfinu síðan 2003. Gadgets eru stæling á Widgets sem hafa verið til staðar síðan 2004 og eru aftur fengnir að láni úr Konfabulator sem er enn eldra. Svo nenni ég ekki að fara út í iPod (Zune?), iTunes (hvað hét MS sjoppan?) of nýja undrið frá MS, síma! Það hefur örugglega ekkert með iPhoninn að gera.

Það er þó ekki bara Makkinn sem er brunnur andagiftar fyrir Microsoft. Google er annað fyrirtæki sem virkilega reynir að koma með sniðug forrit. Þeim gengur vel, og auðvitað er Microsoft farið að skoða hvaða hugmyndum megi stela. Hotmail breyttist eftir að Gmail kom, Office á að fara á netið eftir að Google kom með svoleiðis hugmyndir. Í morgun komst ég svo að því að eitthvað er til sem heitir Microsoft Virtual Earth. Það er sem sagt búið að stela Google Earth.

Það sem ég vil vita, en mun sennilega aldrei gera, er af hverju kemur Microsoft aldrei með nýjar hugmyndir? Af hverju getur fyrirtæki sem veltir milljónföldum íslenskum fjárlögum ekki fundið upp eitthvað rosalega sniðugt forrit sem fær mann til að finnast þeir flottir? Af hverju er þeir alltaf að herma eftir og stela frá miklu minni fyrirtækjum? Af hverju hefur maður alltaf séð "nýjungar" þeirra áður. Hvað er svona spes við Apple og Google? Af hverju geta þau fundið upp nýja hluti en Microsoft ekki? 

Hvetja Microsoft til að taka Windows xp ekki af markaði

Athugasemdir

[Snorri Þórðarson, 16.4.2008 kl. 11:17]

hvað hefur apple fundið uppá ?  þeir stálu nu líka GUI hugmyndinni af stýrikerfi frá XEROX á sínum tíma svo er þetta OS kerfi þeirra upphaflega byggt upp á BSD og hvað þeir hafa sett einhvern glans effecta og drasl í osið sitt ekki eins og það
sé einhver uppfinning og vá þeir komu með Ipod sem er bara mp3 spilari ekki eins og þetta sé fyrsti MP3 spilari sem til er apple stelur og raun stela allir hugmyndum og framkvæma þær á sinn hátt.

ég meina toshiba byrjaði með ferðatölvuna eru þá allir að stela af þeim er apple að herma eftir toshiba

svona er þetta bara ef eithvað virkar í tölvuheiminum og hægt er að græða á því vilja allir verða partur af því. harður markaður thats it

[Brjánn Guðjónsson, 16.4.2008 kl. 11:19]

já, tölum ekki um iPod-inn.

http://www.reghardware.co.uk/2008/03/10/ft_first_mp3_player/?wink

þessi bransi snýst meira um að finna góðar hugmyndir, bæta þær og græða á þeim, heldur en endilega að fá þær sjálfur.

[Villi Asgeirsson, 16.4.2008 kl. 13:54]

Ég minntist reyndar á Xerox í færslunni. Apple fann ekki upp gluggakerfið, en Apple gerði það að söluvöru og MS fylgdi á eftir. Það er líka rétt að iPotturinn var ekki fyrsti MP3 spilarinn. Ég á sjálfur gamlan spilara frá því fyrir daga iPod. Apple var hins vegar sá aðili sem MP3spilaravæddi heiminn og nú vill MS bita af þeirri köku. Widgets og Gadgets eru heldur ekki uppfinning Apple, enda minntist ég á Konfabulator. MS hefði getað keypt hugmyndina en Apple var fyrri til. Apple kemur með síma, MS kemur með síma. Apple iTunes, MS fylgir á eftir. Sony Playstation, MS Xbox. Google setur Office á netið, MS fylgir á eftir. Google býr til Google Earth, MS kóperar dæmið. Sér einhver mynstur hérna?

Það sem ég átti við er að Apple og Google eru alltaf á undan Microsoft. Þau koma með hugmyndir og hanna forrit sem eru ný og fersk. Það er svo hægt að veðja á að Microsoft hermir eftir. Það sem ég vil vita er, hvað er að hjá Microsoft ef það getur ekki haft frumkvæði? Af hverju sér maður alltaf hugmyndir Apple, Google eða annara spretta upp hjá Microsoft, aldrei nýjar og ferskar?

Ég held reyndar að ég viti hluta svarsins. Bill gates er þekktur fyrir að hafa afskrifað netið. Hann skildi ekki mikilvægi þess fyrr en heimurinn var orðinn tengdur, enda kom Internet Explorer, Messenger og allt það langt á eftir Netscape og ICQ. Hvað segir það manni um framtíðarsýn MS?

[Hilmar Kári Hallbjörnsson, 16.4.2008 kl. 19:12]

Mig langar reyndar að benda á tvennt sem kemur úr smiðju Microsoft, annað sem er kóperað en gert betur, og hitt sem var alveg nýtt af nálinni:

 1.  Flight Simulator.  Einhver sá flottasti sinnar tegundar, og tekur yfir allan heiminn.  Flugmenn fullyrða að nær sé ekki komist í að gera flug raunverulegt með einkatölvum.

 2.  OneNote.  Hugmynd sem tveir strákar fengu á kaffistofunni hjá Microsoft.  Snilldarhugbúnaður, einfaldur og góður.  Um leið og þú ert búinn að fatta forritið ( 25 sek. ) viltu ekkert annað glósuforrit.

 Ég er Microsoft trúar, og nota Windows á hverjum degi.  Skrifa líka hugbúnað fyrir Windows stýrikerfi.  Lendi aldrei í vandræðum.  Eini hugbúnaðurinn sem ég lendi í vandræðum með, er open-source dót, sem þarf endalaust að vera að stilla til með ini skrám fram og til baka.

[Þorsteinn Valur Baldvinsson, 16.4.2008 kl. 20:12]

[Júlíus Þór Bess (IP-tala skráð) 16.4.2008 kl. 22:39]

Þú spyrð afhverju Microsoft kemur ekki með nýjar hugmyndir... Ég held að svarið við þeirri spurningu sé einfaldlega: "Vegna þess að það er ódýrara!"

Það er ódýrara að sjá hvort hugmynd virkar og framkvæma hana ef hún virkar en það er ekki hægt... nema einhver annar framkvæmir hana fyrir þig. Það sem er ennþá ódýrara er að láta einhvern annan finna upp hugmynd fyrir þig, framkvæma hana og sjá hvort hún virkar. Þetta er bara þeirra leið til að græða. Taka hugmyndir sem virka og reyna að framkvæma þær betur.

[Gullvagninn (IP-tala skráð) 17.4.2008 kl. 10:10]

Þetta eru góðar spurningar hjá þér, Dverghugi hefur náð allt að því fullkominni einokunarstöðu fyrir röð "tilviljana" og "heppni", ég veit ekki hversu margir kæmust upp með að stela hugmyndum frá ibm og xerox (og svo auðvitað fjölmörgum öðrum) án þess að lenda í vanda.

enda eins og segir í Republic e. Plató, Réttlæti er að gera það sem er best fyrir þann sterka.  Þannig að það hefur verið réttlátt frá byrjun að Gates, Bill (will of the gatekeeper) yrði afar ríkur, og nýtti fé sitt til "góðgerðamála" (doomsdags vault og planned parenthood = depopulation).