Den Brysomme Mannen

Það var kveikt á sjónvarpinu. Ég var ekki að horfa á það. Það var meira eins og það væri að horfa á mig. Ég var að gera eitthvað í tölvunni þegar norska myndin Den Brysomme Mannen (The Bothersome Man) byrjaði á BBC4. Myndin greip mig, því ég þekkti landslagið. Var þetta íslensk mynd? Nei, hún var norsk, en tekin að hluta til á Sprengisandi. Byrjunin tók langan tíma, en var samt spennandi.

Andreas, aðalpersónan, var fljótlega kominn til borgarinnar. Allt var fullkomið. Vinnan, íbúðin, vinnufélagarnir, fallega konan hans. Lífið var svo fullkomið að þegar hann sagðist ætla að yfirgefa hana því hann væri ástfangin, sagði hún að þau fengju gesti í mat á laugardag. Ó, ég er svo sem ekkert búinn að ákveða hvenær ég fer. Geturðu verið þangað til á laugardag? Já. Gott. Svo hélt hún áfram að horfa á sjónvarpið.

Ég er ekki alveg viss um að ég viti um hvað myndin er og ætla ekki að spekúlera um það hér, því það skemmir sennilega fyrir þeim sem eiga eftir að sjá hana. Ég mæli með henni fyrir alla sem eru ekki svo vissir um að nútímasamfélagið sé að virka. Ég held að þetta sé frábær mynd.

Athugasemdir

[alva (IP-tala skráð) 21.7.2008 kl. 02:24]

hmmm, mundi langa til að sjá þessa mynd.

[Gullvagninn (IP-tala skráð) 21.7.2008 kl. 10:23]

horfði á gamla uppáhaldsmynd í gær, Running Man með swarsnegger.  Óhuggulegt hve Hollywood og Culture Creation liðið sér framtíðina glöggt.  Horfði einnig á síðustu dögum á Hunt for Red October og Crimson Tide, þær myndir minna á annan heim, aðra heimsýn, fyrir 911 athöfinina, þar sem bandamenn voru "góðu kallarnir", og allar kvikmyndir enduðu vel og án þess að skrímslin komi við á fæðingardeildinni og slátri börnum, eða aðalleikarinn sjái son sinn myrtan, eða endi líf hans sjálfur.