Ekki huxa svona mikið!

Ég skreif færslu nýlega um fimm milljóna myndir. Þetta var hugdetta og ég ákvað að skrifa hana niður áður en hún færi leið flestra minna hugmynda... hver sem sú leið er.  Ég var búinn að skrifa þetta og hélt að þar með væri málinu lokið, en svo var ekki. Ekki af minni hálfu að minnsta kosti. Nú er þetta að verða einhver árátta sem mun ekki láta mig í friði fyrr en hún hefur sannfærst um að ég muni ekki gera neitt í málinu.

En er þetta ekki bara málið, búa til kvikmynd í fullri lengd með aðstoð Egils, SS, ISAL eða hvers sem vill láta merki sitt sjást. Fá litlar fimm millur sem engan munar um, gera góða kvikmynd, henda henni á DVD og gefa hann svo. Ekki selja ódýrt, ekki láta borga burðargjald. Nei, gefa diskinn og biðja um ekkert í staðinn.

Damn, mig langar að gera þetta. Mig langar eiginlega meira að gera þetta svona en fá mynd eftir mig sýnda í bíó.

Þetta mun sennilega ganga yfir. 

Athugasemdir

[Jórunn Sigurbergsdóttir , 19.8.2007 kl. 18:13]

Kannski á maður eftir að sjá mynd í fullri lengd eftir þig. 

[Anna Ólafsdóttir (anno) (IP-tala skráð) 20.8.2007 kl. 02:29]

Er ekki einmitt komið fordæmi fyrir því að listamenn gefi efnið sitt. Prince dreifði ókeypis diski með Sunday Times í sumar, var það ekki? Annars vil ég bara hvetja þig til dáða í kvikmyndagerðinni  Kvikmyndir eru hitt aðaláhugamálið hjá mér, tónlistin kemur fyrst. Takk fyrir innleggið í kommentakerfið mitt, annars liggur fyrir þig spurning þar í framhaldi af umræðu um vinyl vs CD.

[Gunnar Helgi Eysteinsson, 20.8.2007 kl. 07:46]

Er ekki lausnin að finna einhvern styrktaraðila  

[Villi Asgeirsson, 20.8.2007 kl. 12:41]

1. Ég er viss um að þú eigir eftir að sjá svoleiðis. Ég er með tvö verkefni í vinnslu og hugmyndir þar fyrir utan. Þetta kemur allt.

2. Tónlistarheimurinn er eitthvað á undan, enda var honum hent fram af bjargi þegar Napster náði vinsældum. Kvikmyndir hafa verið dýrari í framleiðslu og niðurhal erfiðara þar sem bandvíddin sem til þarf er meiri. Það er allt að breytast. Eins on sjá má í pistlinum sem ég skrifaði um fimm milljón króna kvikmyndir hefur kostnaðurinn minnkað. Flestir eru komnir með DSL nettengingu, svo það er lítið mál að ná sér í frýjar myndir.

3. Það held ég. Eftir að hafa leitað á netinu kemur það mér á óvart að þetta virðist ekki vera stundað. Það er hægt að dánlóda einhverjum myndum þar sem höfundarréttur er er útrunninn og það hefur þekkst að einhverjar myndir fylgi pylsupökkum en ég hef ekki séð þetta módel sem mér var að detta í hug. Best að klára handritið sem ég er að vinna og koma þessu í verk.