Billy bloggar úti...

16.7.2008 | 08:40

Ég er kona

Konan fór í viðskiptaferð til Tyrklands í gær og kemur aftur á fimmtudagskvöld. Við, strákarnir, erum einir heima. Amma er að vinna þessa daga, svo það er ekkert annað að gera. Þetta er svo sem ekkert í fyrsta skipti, því hún hefur þurft að fara til Ítalíu, Frakklands, Kína og fleiri landa síðan hann fæddist, fyrir tæpum 18 mánuðum. Hún fer svo til Búlgaríu í lok mánaðarins.

Kannski er mér treyst því það er engin önnur lausn í stöðunni. Kannski erum við bara minna gamaldags en sumir. Þetta gengur vel. Hann er ánægður, fær að éta, er settur í bælið og það er skipt á honum. Var settur í bað í gærkvöld. Allt eins og það á að vera. Ég neita því ekki að hún er betri í barnastússinu, en það er auðvitað bara eðlilegt, enda eru konur hannaðar með börn í huga, meðan við karlarnir eigum að fara út og ná í mammút í matinn.

En hvernig get ég verið að skrifa bloggfærslu ef ég er svona góður pabbi? Hvar er barnið? Hann situr hérna við hliðina á mér og hjálpar við að pikka. Séu ritvillur í textanum, eru þær hans!

	Konan láti karlinn læra af reynslunni
Ábyrgðarmaður færslu Tilkynna um óviðeigandi tengingu við frétt

Meginflokkur: Vinir og fjölskylda | Aukaflokkar: Bloggar, Stjórnmál og samfélag | Facebook

Athugasemdir

Hmm nú er ég farin að hafa áhyggjur að það séu einhverjir hönnunargallar í mér! Annars er ég ánægð með að pabbinn sé látinn hugsa um krakkann - fín fyrirmynd. Svo er um að gera að kenna börnum nóg um áður en þau fara að geta tjáð sig!

Gunnhildur Ólafsdóttir, 16.7.2008 kl. 20:34

Hönnunargalli?

Villi Asgeirsson, 16.7.2008 kl. 21:58

,,konur hannaðar með börn í huga,, Þannig líður mér ekki - samt telst ég til kvenkyns?!

Gunnhildur Ólafsdóttir, 16.7.2008 kl. 22:08

Líffræðilega séð hafa þær eitthvað umfram okkur. Það er svo ekkert víst að þær séu góðar mæður eða langi yfirleitt til að eiga börn.

Villi Asgeirsson, 16.7.2008 kl. 22:21

Ertu að segja að ég yrði kannski ekki góð móðir?! En já líklega langar flestum konum í börn einhvertíma - já meira segja mér!? Þú ert örugglega æðislegur pabbi.

Gunnhildur Ólafsdóttir, 16.7.2008 kl. 22:32

Ég er viss um að þú verður frábær mamma ef þú verður mamma. Efast ekkert um það.