Gangandi til Tíbet

Hollendingurinn Ernst van Damme lagði af stað gangandi frá heimili sínu í Alkmaar, Hollandi 1. apríl síðastliðinn. Hann kom við í Amsterdam og er nú á leið úr landi. Ferðinni er heitið til Tíbet. Hann gerir ráð fyrir að ganga 8000 kílómetra á 10 mánuðum og vonast til að hitta Dalai Lama á leiðinni. Hann mun ganga um Ungverjaland, Tyrkland, Abu Dhabi, suður Íran og Pakistan, meðal annars. Hann hefur lagt allt undir, seldi húsið sitt og innbú, bauð jafnel upp fötin sín á netinu. Það merkilega við manninn er að hann er ekki íþróttamaður. Þetta er ósköp venjulegur, fimmtugur maður með smá bumbu sem ákvað að gera eitthvað stórkostlegt.

Þegar ég komst að þessu fékk ég magaverk. Væri ég ekki í sambúð með ársgamalt barn hefði ég hringt í hann og slegist í för. Ég hefði tekið vídeótökuvélina og rölt þetta með honum. Þetta hefði verið stórkostlegasta ferðin sem ég hefði farið í og ég hefði eflaust getað gert merkilega mynd um ævintýrið. Ég er ennþá að reyna að jafna mig á því að geta ekki farið með.

Kannski kemur að því einhvern daginn að maður geri eitthvað sem skiptir máli en þar sem Tíbet hefur alltaf heillað mig hefði þetta verið fullkomið. Erfitt, en hverrar blöðru virði.

Þeir sem skilja hollensku geta fylgst með göngunni á blogginu hans. Fyrir hina mun ég fylgjast með ferðinni og leyfa ykkur að fylgjast með. 

Gere telur að Kína eigi við djúpstæðan vanda að etja

Athugasemdir

[Aðalheiður Þórisdóttir, 9.4.2008 kl. 19:14]

Stórkostlegt! 

Þessi maður er greinilega vandaður maður!

Ég efa þó að honum verði hleypt inn í Tibet, því miður.

[Villi Asgeirsson, 9.4.2008 kl. 19:24]

Er það ekki málið? Ef hann lætur sig hafa það að ganga 8000 km og er svo ekki hleypt inn verður það sennilega stórfrétt og frekar vandræðalegt fyrir kínverja.

[Gunnar Helgi Eysteinsson, 9.4.2008 kl. 20:09]

Ég skil ekki baun í Hollensku svo ég fylgist bara með því sem þú skrifar um þennan kappa.

PS
Þú mátt alveg skrifa líka um hvernig gengur með  kvikmyndagerðina.

[Óskar Arnórsson, 10.4.2008 kl. 02:54]

Fyrir þá sem langar í raunverulega skoðun á því sem er að gerast í Tíbet, bendi ég á Birgittu á blogginu..það er rosalegt að sjá heimildarmyndina sem menn gerðu og lögðu sig í lífshættu við að gera. Göngumanninum verður líklegast ekki sleppt inn í Tíbet...

[Villi Asgeirsson, 10.4.2008 kl. 11:09]

Gunnar, geri það fljótlega.

[Sigrún Friðriksdóttir, 10.4.2008 kl. 23:20]

Rosalega spennandi Villi, skil vel að þig hafi bara langað að vera í hittifyrra eða eitthvað svoleiðis og geta skellt þér í hópinn