Hvar er leyniþjónustan...

...þegar maður þarf á henni að halda? Það er alveg ljóst að það er fólk á meðal okkar sem þarf að taka í tuskuna.

Þegar litið er á úrslit könnunnar hér til vinstri er ljóst að flestir eða 35% vilja sjá myndina í kvikmyndahúsi. Gott mál. Næstum jafn margir vilja sjá hana í sjónvarpi. Allt í lagi svo sem, nema að eftir að allir fengu sér víðskjárvörp (eða hvað wide screen er á ísl.) er fólk annað hvort of feitt eða of mjótt því enginn virðist kunna að stilla það.

25% vilja sjá myndina á netinu. Það vill hins vegar enginn sjá myndina á DVD. Enginn. Núll prósent. Ég sem ætlaði að búa til svo mikið aukaefni.

Það sem mér finnst verst er að heil 10% segjast alls ekki vilja sjá myndina. Þetta eru ekki nema tvær hræður, svo að það er spurning með að siga leyniþjónustunni á þær (þau, þá).

Ég biðst afsökunar á þessari færslu. Þetta er næst-tilgangslausasta færsla mín frá upphafi. 

Athugasemdir

[gerður rósa gunnarsdóttir, 27.10.2006 kl. 20:25]

Sko. Það er ekki alltaf að marka svona kannanir. Einu sinni, þegar þetta lífræna dót var að byrja, þá var gerð viðamikil könnun og spurt hvort menn myndu vilja kaupa svoleiðis ef það stæði til boða, þrátt fyrir að það yrði dýrara. Og jú, menn héldu það nú! En svo þegar það var prófað að setja slíkar vörur í hillurnar í matvöruverslununum þá voru þær alls ekkert keyptar í samræmi við forspárgildi könnunarinnar. Þá var það gamla góða pyngjan sem réði, þegar til kastanna kom.

Þarna höfðu menn semsagt svarað í samræmi við það sem þeir ´myndu vilja gera´ eða ´ættu að gera´ en gerðu svo ekki því inn í spilaði annar sterkari faktor sterkar sem þeir vildu ekki viðurkenna fyrir sjálfum sér þegar þeir svöruðu könnuninni.

Þessvegna getur vel verið að menn keyptu DVD-inn frekar ef það væri hagkvæmara en að fara í bíó (þ.e.a.s. margir myndu líklega horfa á sama dvd-inn??). Annars veit ég ekkert hvað svona dvd-ar kosta eða hvernig neysluvenjur Íslendinga eru á því sviði. Fara kannski menn í bíó og kaupa svo diskinn á eftir ef þeim finnst myndin góð??

Einnig: Ef þú hefðir t.d. í staðinn fyrir valmöguleikann ´Á DVD´ sagt: ´heima í stofu (í faðmi fjölskyldunnar) á þeim tíma sem mér hentar (þ.e. kaupa DVD-diskinn)´ og bætt kannski nammi og kóki og kertaljósi inn í myndina, þá hefðu kannski fleiri hakað við dvd-ið með öllu skemmtilega aukadótinu (það kom nú ekki einu sinni fram að það væri skemmtilegt aukadót í bónus!).

Þessir tveir þarna sem sögðust alls ekki vilja sjá myndina: Þetta eru örugglega þessir tveir sömu og sögðu í minni skoðanakönnun um daginn að bloggið mitt væri asnalegt.

Ef þú nærð þeim láttu mig vita.

[gerður rósa gunnarsdóttir, 27.10.2006 kl. 20:28]

Wúpps. Þetta varð soldið löng athugasemd hjá mér :/ Þetta sem virkaði svo lítið í þessum athugasemdakassa sem maður skrifar í.

[Villi Asgeirsson, 28.10.2006 kl. 09:13]

Vandamálið við að minnast á popp og kók er að þá fer fólk að rukka mig um það. Sjáum til dæmis Cheerios. Allir vita að það eru gulleytir hringir í pakkanum. Ekkert annað, bara hringirnir. Á myndinni á pakkanum sér maður Cheerios með jarðarberi, og mjólk í skál með skeið. Það stendur líka "Serving Suggestion" undir myndinni. Annars getur fólk farið í mál við General Mills því það fann ekkert jarðarber, enga mjólk og enga skál í pakkanum. Ég passa mig því á að minnast ekki á popp og kók, því þá þarf það að komast fyrir í DVD hulstrinu líka.

Talandi um langar athugsemdir!

Annars er bloggið þitt ekkert asnalegt. Sumar myndirnar eru það og ef þetta er virkilega mynd af þér í höfundardálkinum kýs ég helst að segja sem minnst um asnalegheit þín, en bloggið þitt er fínt.

[gerður rósa gunnarsdóttir, 28.10.2006 kl. 18:09]

Þú ert nokkuð séður :)

Myndirnar mínar eru víst aldeilis frábærar, svo góðar að einhverjir merktu við ´myndirnar örugglega stolnar´ í skoðanakönnuninni, hahaha. Svona er maður duglegur að fiska sér kompliment.

Gleymdi: sagan Síðasta messan var nokkuð mögnuð, allavega eins og ég skildi hana.