Varnarmálaráðherrann seinheppni

Aumingja Gates. Honum getur ekki komið saman við evrópubúa. Fyrir 2-3 vikum féllu tveir hollenskir hermenn í Afghanistan. Það var mikið talað um málið í fjölmiðlum hér í landi, eins og gefur að skilja. Mig minnir að það hafi verið daginn eftir sem að hann lét hafa eftir sér að hollendingar væru slappir, hefðu hvorki getu né vilja til að halda úti friðargæsluliði. Orð hans höfðu ekkert með föllnu hermennina að gera, mér skilst að hann hafi ekki vitað af því.

Það er óhætt að segja að Gates var ekki beint vinsæll, sérstaklega þar sem Holland heldur úti stóru liði og var að framlengju veru sína til 2009 þar sem ekkert land var tilbúið til að taka við verkinu. Þetta endaði í diplómatískum leiðindum, Gates sagðist hafa verið misskilinn en endaði á að biðjast afsökunar.

Hér er greinilega öðlingur mikill á ferð, maður sem kann sig. 

Bandaríkin gera kröfur til Þjóðverja

Athugasemdir

[Gunnar Helgi Eysteinsson, 1.2.2008 kl. 23:59]

Ég hef ekki mikla skoðun á þessari færslu

Langar bara að spyrja einn hlut. Ef ég borga 12 Euro á Pay pal, sendir þú mér þá nýja mynd eða getur þú séð að það sé ég sem hef borgað? (Mig langar að borga fyrir myndina, en get ekki sent pening á bankareikninginn)

[Villi Asgeirsson, 2.2.2008 kl. 04:36]

Ég get séð að þú hafir borgað. Diskurinn er á leiðinni. Myndaðu þér svo skoðun!

[Gunnar Helgi Eysteinsson, 2.2.2008 kl. 12:45]

Ég er búinn að borga (með glöðu geði) og þú mátt alveg láta mig vita hvort allt hafi virkað. Ég bíð spenntur eftir myndinni og læt þig síðan vita hvað mér og vandamönnum fannst...