Gott að hafa í huga...

...þegar menn skoða framtíðarplön um virkjanir og orkusölu. Ég rakst á þetta á vefnum:

"It's no secret anymore that for every nine barrels of oil we consume, we are only discovering one."
-The BP Statistical Review of World Energy

Orka er gjaldmiðill 21. aldarinnar. Þetta hefur komið fram áður, en það er eins og fólk sé ekki að skilja það. segjum að við seljum kílóvattið á tíkall (þetta er ekki raunverulegt verð) til einhvers álrisans eða annarar stóriðju. Allt í lagi með það, því við erum að selja einhver teravött og þetta er þónokkur peningur. Segjum svo að olíuverð haldi áfram að hækka, sem er næstum óhjákvæmilegt. Árið 2012 er olían orðin svo dýr að heimurinn grátbiður um nýja orkugjafa. Það tekst ekki að fullnægja þörf, svo að orka í hvaða mynd sem er rýkur upp í verði. Nú er okkur boðnar 100 krónur á kílóvattið, en við verðum að hafna boðinu því orkan er frátekin, eða hreinlega ekki okkar, og er að seljast á tíkall.

Margir sem eru á móti virkjunum eru það ekki endilega á hvaða forsendum sem er, heldur vegna þess að hægt verður að fá mikið meira fyrir orkuna innan fárra ára.

Forsenda þess að geta notið hinnar komandi orkukreppu er að eiga okkar auðlindir sjálf. Ef stjórnvöld kluðra þessu eru þau annað hvort spillt eða vanhæf.

Vilja fund vegna frétta af Geysi Green Energy

Athugasemdir

[Eva , 14.9.2007 kl. 15:36]

Ég vildi að ég hefði tíma til að setja mig betur inn í þessi mál( mér finnst þau frekar flókinn) ég velti því þó alveg fyrir mér hvort við séum ekki að klúðra þessum málum eitthvað. Mér finnst það vera mikið áhyggju efni fyrir okkur íslendinga ef að vatnið okkar er að komast í einkaeign eins og fiskurinn.

Annars er ég hrædd við að kommenta á þessi mál sökum þekkingar skorts.

[Villi Asgeirsson, 14.9.2007 kl. 15:45]

Ef þú ert að bulla verður þú leiðrétt og þá hefurðu lært eitthvað. Það er ekkert eins slæmt og þekkingarleysi. Þetta mál kemur öllum íslendingum við og því fleiri sem hafa vit á því hvað er að gerast, því betra.

Þú nefnir vatn og fisk, góðan punkt. Það vita allir að kvótanum var klúðrað all hrottalega og það er eins og það sama sé að gerast aftur, en menn eru tilbúnir til að vaða áfram. Ég veit ekki hvort fólkið inni á alþingi sé svona laust við þekkingu eða hvort það sé að græða eitthvað á þessu sjálft. Eitthvað hlýtur það að vera.