Skjóta gæðinginn í hausinn

Ísland er alveg sérstaklega fallegt land... ennþá.

Ísland er sjálfstætt ríki... ennþá.

Ísland er ríkt... ennþá.

Hvers vegna er þessi árátta að virkja allt í bort, selja það fyrir tombóluverð, selja svo stóra hluti í fyrirtækjum til útlendinga svo hægt sé að græða eitthvað á landinu fallega.

Á meðan Írland, Svíþjóð og Finnland eru á hraðri leið inn í framtíðina eru íslendingar að rembast við að fara aftur um 100 ár. Af hverju þurfum við að halda baráttu Sigríðar Tómasdóttur í Brattholti áfram? Höfum við ekkert lært á þeim 100 árum sem liðin eru síðan hún barðist á móti gráðugum íslendingum og útlendingum sem vildu virkja Gullfoss og þannig eyðileggja eina af fallegustu perlum Íslands?

Það er kannski best að hætta þessu væli, virkja allt í botn strax og klára dæmið, því þegar skaðinn er skeður hefur vælið ekkert upp á sig. Skjótum gæðinginn í hausinn. Þá þurfum við ekki að rífast um það hvernig hann skal nýttur. 

Goldman Sachs að kaupa hlut í Geysi Green?

Athugasemdir

[Heimir Arnar Birgisson (IP-tala skráð) 11.9.2007 kl. 19:23]

Það hlaut að koma að því að einhverjir risastórir alþjóða bankar vildu kaupa það sem íslenska þjóðin átti og stjórnmálamenn gáfu einhverjum í gæðingalottói. Held að við séum að stíga inn á stórhættulega braut hér. Við þurfum að segja stopp við þessu. Það er eitt og sér í góðu lagi að selja íslensk fyrirtæki sem sjálf hafa skapað sín verðmæti með hugviti og dugnaði starfsmanna, en þegar kemur að náttúruauðlindum? NEI!!! Engum Goldman Sachs, J.P. Morgan Firm, Morgan Stanley, Chase Manahattan eða öðrum slíkum alþjóðabáknum eða nokkrum einkaaðilum á að leyfast að kaupa það sem okkar er með húð og hári.

Allstaðar þar sem ríkisstjórnir hafa selt eða gefið náttúruauðlindir landa sinna hefur slíkt leitt til eymdar þjóðþegnanna. Nægir þar að nefna þegar hið mjög svo íslenskelskaða Bechtel fyrirtæki sem byggði álverið á Reyðarfirði keypti ríkisvatnsveitu Bólivíu. Þeirra fyrsta verk var að hækka verðskránna um 75-150%, án þess að bæta þjónustu við neytendur á nokkurn hátt. Þar sem fólkið þurfti nú að velja á milli þess að kaupa vatn eða senda börnin sín í skóla brugðu margir á það neyðar úrræði að safna rigningarvatni. Þegar útsendarar Bechtel komust að þessu fóru þeir í mál við þá sem stunduðu þessa iðju og staðhæfðu að fólkið væri að stela af þeim vatninu. Á endanum voru þessum hallærisviðskiptum rift og nú stendur Bechtel í málaferlum við Bólivíska ríkið vegna þess sem þeir kalla glötuð tækifæri til hagnaðar.

sjá nánar: http://www.gagnauga.is/greinar.php?grein=48

[Gunnar Helgi Eysteinsson, 11.9.2007 kl. 19:31]

Ég á ekki orð...

[Ellý, 11.9.2007 kl. 22:30]

Mér líst ekkert á þetta. Verð bara döpur við tilhugsunina um allt sem er að gerast á Íslandi í dag.