Tölum við rússa fyrst!

Rússar hafa boðið okkur lán. Það er ólíklegt að þeir vilji ráðskast með okkur. Það hefði ekkert upp á sig og þeir kæmust aldrei upp með það. Bandaríkjamenn og NATO myndu sjá til þess. Kaninn kom kannski í veg fyrir lán til okkar, en hann fer ekki að láta rússa vinna neitt sérstaklega á, hernaðarlega.

Rússar vilja ekki hjálpa okkur af því þeir eru svo góðir eða þakklátir fyrir hálf rotinn fisk sem við seldum þeim fyrir olíu. Þeir vilja sennilega vinna sér inn stig á vesturlöndum með því að hjálpa þurfandi (NATO) þjóð "aþþíbara". Þeir vilja líta út fyrir að vera góði kallinn. Svo er mögulegt að þeir hafi áhuga á aðgengi að olíulindum framtíðarinnar. Við því segi ég, af hverju ekki? Er kaninn eitthvað betri? Er hann ekki bara fallegri á yfirborðinu?

IMF hefur orðstýr á sér. Þeir lána ekki vegna þess að hjartað er að springa af ást og kærleik til þeirra sem minna mega sín. Þeir setja skilyrði sem fæstar þjóðir hafa komist frá ólaskaðar. Við getum hjálpað okkur sjálf með hjálp rússa og Norðmanna. Er það eðlilegt að ef einhver hendir okkur út í tjörn, biðjum við hann um hjálp, þegar annar býður okkur aðstoð? Það er óþarfi að hrinda IMF í burtu, en það er líka allt í lagi að gefa rússunum séns fyrst.

Lesið endilega færsluna Þjóðstjórn, sem ég skrifaði á undan þessari um endurbyggingu Íslands. Það væri gaman að heyra hvað fólki finnst. 

Fundað stíft með IMF

Athugasemdir

[Sævar Finnbogason, 12.10.2008 kl. 22:31]

Hárrétt hjá þér, nema hvað við ættum að vera að funda í reykfylltum bakherbergjum í Noregi núna. Athugaðu að samningsstaða okkar gagnvart IMF verður arfa slök ef við fáum ekki lán hjá rússum eða getum ekki sætt okkur við skilyrðin. Því þarf að pumpa IMF núna, annars eiga þeir okkur og við missum fyrst þá stjórn yfir auðlyndum okkar!

[Jón Steinar Ragnarsson, 12.10.2008 kl. 22:34]

Algerlega sammála.

Ef við semjum við IMF, þá er sjálfstæði Íslands farið. Það verður að stöðva þann gerning. Að senda borderline mongólíta í slíkar viðræður er algert sjálfsmorð.  Tökum boði Rússa ef skilyrðin eru ekki of bindandi og vonum svo að þeir afskrifi þær svo er betur árar. 

Það er orðið ansi undarlegt, þegar IMF er farinn að biðla til þjóðar um að fááð lána henni. Þeim díl fylgir yfirtaka efnahagstjórnar hér. Semsagt alger valdataka, manna með annarlega hagsmuni, Bildenbergera og hringborðsriddara Globalistanna, sem hafa það eitt að markmiði að koma öllum helvítins heiminum á eina hendi.

Ég vona að menn átti sig á hvað er í uppsiglingu hér.

Ágæt byrjun, er að lesa "Falið Vald," sem hægt er að nálgast á www.vald.org

[Árni Viðar Björgvinsson, 12.10.2008 kl. 23:35]

Það er samt spurning hvort Íslendingar geta staðið við það sem Rússar koma til með að eiga á okkur ef þeir lána okkur peninga. Pútín er enginn engill, og hann gerir ekki neitt fyrir neinn nema það komi sér vel fyrir hann.

Það er allt í rugli á milli Rússa, Georgíumanna og Ameríkana.  Hver veit nema þarna geti sprottið upp önnur frelsisaðgerð Ameríkana, sem verður að sjálfsögðu að heljarinnar stríði. Gefum okkur að slíkt gerist, Rússar og Kanar fara í hár saman. Ísland er hernaðarlega mikilvægt, og Pútín segir: "Ég lánaði ykkur skrilljónir sem ég gjaldfelli ef ég fæ ekki að setja upp herstöð á Íslandi" og Ísland náttúrulega bara "Já, almáttugi Pútín", og Ísland er allt í einu komið í miðjuna á heljarinnar stríði.

Langsótt, já. Samsæriskenning, já. Samt sannleikur, hver veit.