Birkihríslur

Enn er árás gerð á íslenska náttúru. Ég þekki svæðið ekki, svo ekki ætla ég að standa á mjólkurkassa og öskra. Það sem mér finnst þó grátbroslegt eru rökin sem færð eru fyrir veginum. Álverjar og aðrir sem vilja virkja landið og "nýta" eru duglegir við að kalla umhverfissinna fífl sem kunna ekki að rökstyðja sitt mál. Sé fréttin lesin, virðast þeir vera sá aðili sem kemur með rökleysu. Skoðum það sem MBL hefur eftir fólki:

Fylgjendur þess að önnur leið yrði valin en í gegnum skóginn bentu á að Teigskógur njóti sérstöðu á Vestfjörðum og á landinu í heild en hann mun vera stærsti birkiskógur í fjórðungnum.

Andstæðingar þess að önnur leið væri valin létu orð falla eins og að „birkihríslur væru meira metnar en mannslíf“.

Ég verð að viðurkenna að ef þetta eru rökin, er ég alfarið á móti þessum vegi.

Þess má svo geta að myndin er fengin að láni hjá bloggaranum Sævari Helgasyni. 

 

Framkvæmdaleyfi fyrir vegi gegnum Teigsskóg.

Athugasemdir

[Bjarki (IP-tala skráð) 23.6.2008 kl. 14:09]

Það er alveg rétt hjá þér. Þú þekkir svæðið ekki.

[Villi Asgeirsson, 23.6.2008 kl. 14:30]

Sem þýðir...?

Er þetta merkilegt svæði, eða er í lagi að leggja þarna veg? Samhvæmt rökunum að ofan er það ekki góð hugmynd.

[Bjarki (IP-tala skráð) 23.6.2008 kl. 14:36]

Þetta þarf allt að vega og meta, leiðin í gegnum Teigsskóg er sú ákjósanlegasta út frá umferðaröryggi. Það vegur þyngst í mínum huga. Auk þess er lögð sú kvöð á framkvæmdaraðila að þeir planti skógi í janfstórt svæði og kemur til með að raskast út af vegagerðinni. Þetta er ekki brýnasta umhverfismálið.

[Villi Asgeirsson, 23.6.2008 kl. 14:46]

Hljómar ágætlega. Merkilegt að það hafi ekki fengist betri rök þegar fréttin var skrifuð.

[Gunnar Th. Gunnarsson, 2.7.2008 kl. 17:07]

Þjóðvegur liggur þvert í gegnum Hallormsstaðaskóg, auk margra annarra vegslóða. Skógurinn hefur það ágætt.