Björgum Heiminum!!!

Þetta gæti verið slagorð hins fanatíska hóps virkjanasinna. Þeir segja okkur að með því að "nýta" alla orku sem landið getur mögulega gefið af sér, séum við að bjarga heiminum því orkan okkar sé svo hrein. Þetta er auðvitað argasta bull. Landið er eyðilagt til frambúðar, gufan sem ælt er út í loftið eykur á groðurhúsaáhrifin og það sem mestu máli skiptir, það munar ekkert um þessi skitnu vött sem við getum kreyst út. Þau eru dropi í haf orkuþarfar heimsins. Þar fyrir utan er orkan ekki endurnýjanleg þegar um skítugar jökulár með sínum framburði ræðir. Gufuaflsvirkjanir eru ekki heldur endurnýjanlegar þegar of hart er gengið að þeim, eins og gert er á Hellisheiði.

Eina ástæðan fyrir því að okkar orka er svona vinsæl er að hún er ódýr. Hvað segir það okkur? Við og landið okkar erum á útsölu, eins og hinn fagri bæklingur, LOWEST ENERGY PRICES sannaði um árið. Meira um það á síðu Draumalandsins. Þessi virkjanaárátta er næstum því farið að verða hlægileg. Hún væri það ef landið væri ekki fórnarlamb þessa rugls. Eins og er, er hún bara sorgleg.

Ég mæli með því að fólk sem eitthvað vill gera í þessu og vill vita meira, heimsæki síðu Láru Hönnu. Hægt er að mótmæla fyrirhuguðum virkjunum fyrir ofan Hveragerði. Meiri upplýsingar um það hér og á síðunni Hengill.nu.

Gerum eitthvað. Þetta er komið út í rugl. 

P.S. Einhverjum kann að finnast myndin furðuleg og ekki passa við þessa færslu, en málið er að það er stríð á Íslandi, stríð um landið.  

Vilja stækka Kröfluvirkjun

Athugasemdir

[Gullvagninn (IP-tala skráð) 11.5.2008 kl. 11:41]

Takk fyrir, vissi ekki af Láru Hönnu og hennar ágæta starfi. 

Leitt að draumalandið virðist dottið út úr umræðunni, síðasta færsla þar frá janúar á síðasta ári.  LOWEST ENERGY PRICES er minnisvarði um, ja, er ekki hægt að kalla það bara landráð?

[Villi Asgeirsson, 11.5.2008 kl. 15:21]

Þessi bæklingur er sennilega nálægt því að geta kallast landráð. Það er ekki verið að svíkja landann í hendur óvinarins, heldur landið sjálft. Hvað er ég að segja, þeir lofa lágum launum.

.

Einhvern tíma las ég að Skálholtsbiskup hafi verið dæmdur til dauða fyrir að láta brjóta náttúrulega steinbrú yfir Hvítá. Það fór í taugarnar á honum að svo margir öreygar af Rangárþingi kæmu að Skálholti til að betla. Öreygarnir höfðu notað brúna, svo biskup lét eyðileggja hana.

.

Lára Hanna er einn besti baráttumaður gegn stóriðju og náttúruspjöllum. Ég hvet alla til að heimsækja síðuna hennar og fara svo á Hengill.nu og prenta út og senda mótmælin.

[Lára Hanna Einarsdóttir, 12.5.2008 kl. 01:48]

Takk fyrir stuðninginn, Villi...  hann er mikils metinn, get ég sagt þér!