Verðtrygging

Ef þetta er rétt, er þá ekki kominn tími til að leggja niður verðtryggingu á lánum? Var þetta ekki sett á í óðaverðbólgunni til að koma í veg fyrir að lán hyrfu á örfáum mánuðum?

Húsnæðislánið okkar, í Hollandi, er það sama og það var 1998, mínus það sem búið er að borga. Það bætist ekkert við það ef verðbólgan fer upp. Hér er hægt að taka tvenns konar lán, með sveigjanlegum vöxtum, og föstum. Engin lán, eftir því sem ég best veit, eru verðtryggð. Vextirnir eru einfaldlega breytilegir eftir því hvað verðbólgan er að gera á hverjum tíma.

Ef verðbólga á Íslandi er orðin sambærilegt við önnur lönd og hún helst þannig í einhver ár, eins og virðist vera, er verðtrygging þá ekki orðin tímaskekkja?

Ég vil endilega benda á bloggfærslu Höllu Rutar um svipað mál. 

Raunhæft að verðbólga náist niður segir Vilhjálmur Egilsson

Athugasemdir

[Gullvagninn (IP-tala skráð) 15.2.2008 kl. 18:27]

Verðtryggingin er svívirðileg, við erum þrælar hér á Íslandi að láta þetta ganga yfir okkur.

Í við bót við verðtrygginguna, þá eru flest lán með breytilega vexti, já þú sást þetta rétt, verðtryggð og hæstu mögulegir vextir á hverjum tíma.

[Villi Asgeirsson, 15.2.2008 kl. 19:59]

Ekki gott. Þegar við tókum lánið gátum við valið lán með föstum vöxtum eða breytilegum. Breytilegu vextirnir eru yfirleitt lægri en ef stofnvextir fara upp getur maður endað með töluvert hærri afborganir. Föstu vextirnir voru boðnir til 3, 5 og 10 ára minnir mig. Við tókum 5. Aðeins hærri en þrjú árin, en mikið lægri en 10 árin. 2-3 árum seinna vorum við að borga tveimur prósentustigum lægri vexti en þeir sem slógu nýtt lán. Minnir að það hafi verið tæp 4%, 3.75 held ég. Núna erum við einhvers staðar innan við 5%. Bankarnir passa sig bara að vera hærri en stýrivextir og þannig græða þeir. Ekkert athugavert við það, svo sem.

[Lára Hanna Einarsdóttir, 15.2.2008 kl. 20:38]

Verðtryggingin er löngu orðin tímaskekkja, en bankarnir hljóta að græða mikið á henni og því verður hún seint tekin af.

[Steinunn Helga Sigurðardóttir, 16.2.2008 kl. 00:04]

við í dk erum með samskonar lánamöguleika og í hollandi, annað er ekki hægt, annars veit maður aldrei hvernig staðan er eftir ár !!

Bless frá Lejre

steina

[Gunnar Helgi Eysteinsson, 16.2.2008 kl. 21:06]