Billy bloggar úti...

11.2.2007 | 09:38

Mats stækkar en myndin ekki

Fyrst er það Mats. Honum gengur vel að aðlagast heiminum. Stundum er hann ósáttur við okkur, sérstaklega þegar við tökum hann úr öllum fötunum, en hann er yfirleitt ljúfur sem lamb, eða kind eins og hollendingar kalla börn.

Svo var ég að horfa á myndina í gær. Hún er næstum því tilbúin. Það voru nokkrir smápunktar sem þurfti að lagfæra, en ég held við getum farið í litaleik um helgina og textun og DVD hönnun í næstu viku. Þetta er allt að koma. Ég held hún sé orðin eitthvað styttri en hún var. Er ekki viss.

Meira seinna. Ef einhver veit um tímastrekkingartæki vil ég endilega fá svoleiðis.

Meginflokkur: Vinir og fjölskylda | Aukaflokkar: Bloggar, Kvikmyndir | Facebook

Athugasemdir

Mats er gullfallegur. Gangi þér vel með myndina.

Jórunn Sigurbergsdóttir , 11.2.2007 kl. 12:27

Fallegasti strákurinn í Hollandi

Sigrún Friðriksdóttir, 11.2.2007 kl. 21:42

Takk fyrir það. Ég er að reyna að vera jarðbundinn. Mér finnst hann fullkominn, en ætli mér fyndist það ekki líka þó hann væri neflaus með níu putta?

Villi Asgeirsson, 12.2.2007 kl. 08:19

Nei, mér sýnist hann nú vera frekar myndarlegur.

gerður rósa gunnarsdóttir, 12.2.2007 kl. 13:38

Þegar ég var lítill þá stóð í ömmu minni einu sinni þegar ég sagði henni brandara... Brandarinn var á þessa leið: Amma eru kindur vitlausar? Amman svarar: Já lambið mitt.