Grotn

Í vetur var ég á því að þetta ætti að klára. Nú er óöldin önnur. Þetta hús er tákn bruðls og geðveikislegrar veraldarhyggju og hefur ekkert með list að gera. Alvöru listamenn þurfa ekki milljarðabyggingu, þeim líður ekki vel í 100.000 króna hótelherbergjum. Þetta hús var ekki byggt fyrir listamenn. Það var byggt fyrir ráðstefnugesti með silkibindi sem kosta álíka mikið og bíllinn minn.

Þetta hús er tákn hugsunarháttar sem kemur vonandi ekki aftur, þar sem jeppinn skipti meira máli en amma, þar sem krakkinn flæktist fyrir og var látinn halda kjafti með nýjum iPod, PSP eða einhverju öðru sem var orðið úrelt eftir viku. Þetta hús á að fá að standa í núverandi mynd og grotna rólega niður. Leyfum hafinu að éta það. Þangað til mun það minna okkur á hvað það er sem virkilega skiptir máli. 

Deilt um tónlistarhús á þingi

Athugasemdir

[Rafn Haraldur Sigurðsson (IP-tala skráð) 20.5.2009 kl. 19:35]

Mæltu manna heilastur.

kveðja Rafn.

[Jórunn Sigurbergsdóttir , 24.5.2009 kl. 23:41]

Móttekið. Oft var ég á móti og svo hélt ég í baranskap mínum að þetta tónlistarhús yrði eitthvað fyrir alla, en núna, ég veit ekki, Takk Villi minn fyrir þetta blogg.

[Gísli Foster Hjartarson, 25.5.2009 kl. 20:17]

Þetta líst mér vel á látum þetta grotna