Má ljós þeirra skína?

„Þau eru rétt að koma fram og hafa ekki haft mikil tækifæri til að kynna sig, og hafa reyndar almennt mjög stuttan tíma til þess,“ segir Ólafur Þ. Harðarson á MBL.is um nýju framboðin. 

Nýlega las ég á bloggi Birgittu Jónsdóttur að fjölmiðlar hafi ekki látið sjá sig á fundi Borgarahreyfingarinnar nýverið. Ef við viljum ekki áframhaldandi spillingu, verðum við að skoða nýju framboðin í fullri alvöru. Ekki vera hrædd við að atkvæðin falli dauð. Betra er dautt atkvæði en það sem vinnur gegn kjósandanum. Þar fyrir utan, ef nógu margir kjósa litlu framboðin, verða þau ekki svo lítil og atkvæðin munu lifa góðu lífi. 

Ég skora á Moggann og aðra fjölmiðla að vera algerlega hlutlausir í umfjöllun sinni, a.m.k. fram að kosningum. Ekki láta eins og sum framboð séu ekki til, eins og gerðist með Íslandshreyfinguna síðast.

Ekki hægt að afskrifa neina lista

Athugasemdir

[Stefán Lárus Pálsson (IP-tala skráð) 16.3.2009 kl. 10:57]

"Allir vondir við mig, fólk hlustar ekki, við erum syndlaus og ætlum að frelsa heiminn frá vonda fólkinu (mest öll þjóðin) sem starfar í og styður "fjórflokkinn". Þetta er boðskapur flestra þessara "mannvina og kvenna" sem fá hugljómun um að það sé hinir nýju Messíasar líðandi stundar. Þennan söng hef ég heyrt reglulega alla mína ævi, nærri sjö tugi ára, rétt fyrir næstum hverjar alþingiskosningar. Þarna er á ferðinni fólk sem ekki hefur á lýðræðislegan hátt starfað í fjöldahreyfingum eins og stjórnmálaflokkum og aflað skoðunum sínum fylgis, og unnið þannig að því að breyta flokkunun innan frá. Nei þetta blessað fólk gerist þess í stað pólitískir umrenningar, flakkar á milli flokka, með valdaþrána að leiðarljósi, og brenglaða pólitíska sjálfsímynd, foringja heilkennið grefur um sig, vill stofna "nýjan flokk" vera þar í forystu, og leiða listann!! Og ráða líka hverjir skipa hann!!! Það er talað mikið um lýðræði, en hver kjósandi hefur bara eitt atkvæði, og í kjörklefanum ráðum við okkur sjálf. Mér finnst að bókin Animal Farm, (Félagi Napóleon) eftir George Orwell, ætti að vera skyldulesning í skólum. Þar er þetta tal um"lýðræði og fleiri flokka" sýnt í réttu ljósi: Svínin gera uppreisn, "stofna flokk", ná völdum á býlinu, mennirnir hrakir burt. Gölturinn Napóleon sest í valdastól með sínu liði, lifa brátt í sömu vellystingum og fyrri valdhafar, mála slagorð sitt  (kosningaloforð) á hlöðuvegginn. Allir skulu vera jafnir! En eina nóttina var bætt við fyrir neðan með smærra letri: En sumir eru jafnari en aðrir! Samfélagið varð þannig að svínin sátu í vellystingum,lokuðu sig af frá vinnudýrunum, sem sífellt þurftu að leggja meira á sig. Svo kom að því, að þau sáu engan mun á "frelsurum sínum" og "gömlu" valdhöfunum, var nóg boðið, og nautin stofnuðu "flokk", og gerðu uppreisn, svínin úr valdastólum og nautin tóku við, sagan endurtók sig! Það er kristaltært að það vantar ekki fleiri framboð eða flokksbrot á Íslandi, heldur mætti sameina eitthvað af þeim, "hagræða" á því sviði, fólk mætti vera harðara í að afla skoðunum sínum fylgis  (verið virkt) innan þeirra, myndi ásynd þeirra breytast, jafnvel til batnaðar! Talandi um lýðræði og ný framboð: Er ekki aðferðafræði Bjarna Harðar & co, (hann efstur og ræður síðan hverjir hverjir fá að fljóta með) verulega sérstök túlkun á þessu hugtaki. Það virðist sem valdaþráin reki marga úr sporunum! Æ, einhver nefndi einræði, þori varla að hafa það eftir!

[Villi Asgeirsson, 16.3.2009 kl. 11:24]

Þú vilt meina að þetta fólk hefði betur gengið í einhvern flokkinn (oftast VG sennilega) og unnið þaðan? Það er eitthvað til í því. Taki Borgarahreyfingin fylgi frá hinum flokkunum, er það sennilega VG sem tapar mestu.

En burtséð frá því, er það ekki hluti lýðræðisins að mega setja á stofn ný framboð og bjóða fram gegn fjórflokknum? Nái nýr flokkur nógu miklu fylgi til að komast yfirleitt í framboð, á hann þá ekki að fá jafn mikla umfjöllun í frjálsum og óháðum fjölmiðlum?

Animal farm er ein besta bók sem ég hef lesið. Hún kennir okkur það að öll dýr eru jöfn, og öll dýr spillast fái þau of mikil völd og haldi þeim of lengi. Ég er á þeirri skoðun að óspilltir flokkar séu ekki til. Besta meðalið gegn spillingu er ef einn tiltekinn flokkur nær ekki að vera í stjórn of lengi. Það er hollt að vera í stjórnarandstöðu af og til.

[Halldór Carlsson (IP-tala skráð) 16.3.2009 kl. 13:44]

.. þess vegna er einmitt hressandi og traustvekjandi að sjá borgarahryefinguna lofa því að eyða sér þegar hlutverki hennar er náð ..

en gæti hún staðið við það ef hún yrði að alvöru afli - þarna er efinn hm .. 

[ingo skula (IP-tala skráð) 16.3.2009 kl. 13:55]

Það er marg sannað að völd spilla. Ég sá lika myndina Animal farm.Mæli með henni.  Ég hald að það væri spor í rétta átt ef sett væri á tímatakmörk á þingmenn  8 ár eða 2 kjörtímabil og ekki meir.Þá geta þeir farið út í þjóðfélagið og farið að lifa eftir þeim lögum sem þeir hafa komið á Eins og við öll gerum.Eða næstum því öll. En sennilega verður það aldrei gert.Því Þingmenn verða að samþikkja það og það gera þeir aldrei.  Því miður