5%

Þarf ég að segja eitthvað meira?

Nýtt þingframboð í undirbúningi

Athugasemdir

[Héðinn Björnsson, 24.1.2009 kl. 18:52]

Það fer eftir því hvort þú viljir að við skiljum hvað þú átt við?

[Ferningur, 24.1.2009 kl. 18:54]

Samkvæmt síðustu skoðanakönnun fá þeir 8%, þrátt fyrir að vera ekki einu sinni komnir fram á sjónarsviðið. Þannig að, já, það þarf að segja meira.

Sem betur fer. 

[Villi Asgeirsson, 24.1.2009 kl. 19:13]

Héðinn, ég átti við 5% regluna. Fái framboð 4.9% atkvæða er það útilokað frá Alþingi. Dæmi, Íslandshreyfingin hefði átt að ná inn tveimur mönnum með sín rúm 4% en fengu engan. Komi fram mörg framboð er líklegt að þau komist ekki inn út af þessari (ólýðræðislegu) reglu.

[Héðinn Björnsson, 24.1.2009 kl. 19:27]

Fái lýðræðisbyltingin ekki meira en 5% fylgi hefur hún ekkert að gera á þing hvort hið er. En 5% reglan er klárlega hluti af þeim reglum sem þarf að fjarlægja.

[SP (IP-tala skráð) 24.1.2009 kl. 20:10]

Óskaplega er búið að endurtaka þessa tuggu oft um að 5% reglan hafi verið sett til höfuðs smáflokkum. Hið rétta er að hún var sett til að AUKA MÖGULEIKA smáflokka.

Áður en hún var sett, gilti sú regla að flokkur varð að koma inn a.m.k. einum kjördæmakjörnum manni til að geta fengið uppbótarmenn. Það þýddi að flokkur gat boðið sig fram um land allt og fengið 8-9% atkvæða án þess að eignast þingmann.

5% reglan var sett inn til að bæta stöðu þessara framboða - þau myndu sem sagt geta komist inn með uppbótarmenn út á 5% fylgi þrátt fyrir að ná hvergi kjördæmakjörnum manni. Ef þessi regla hefði ekki komið til, þá hefði Ómar Ragnarsson varla átt nokkurn möguleika í kosningunum.

Hitt er annað mál að kannski er 5% óþarflega há tala. Ef landið væri eitt kjördæmi, sæi ég t.d. engan tilgang í að hafa neinn þröskuld. Þá ættu c.a. 1,5% atkvæða einfaldlega að duga fyrir einum manni. Meðan við búum við kjördæmaskipt kerfi eru hins vegar ákveðin rök fyrir því að hafa þröskulda.

[Fannar frá Rifi, 24.1.2009 kl. 20:27]

Vil bæta við það sem SP skrifar.

ef framboð fær nægjanlegt fylgi í einu kjördæmi þá kemur það manni inn. Villi þú ættir að kynna þér kosningarreglurnar og hvernig framboð fá kjördæmakjörna þingmenn. 5% reglan gildir eins og áður segir bara um hverjir fá uppbótar þingmann eða menn. 

þannig getur framboð fengið þingmenn kjördæmakjörna án þess að ná 5% mörkun og fá möguleika á uppbótarþingmanni. 

Íslandshreyfingin var langt frá því að ná manni inn. þar sem þeir voru næst var í RVK N og þar voru allir flokka í framboði með mann á undan Íslandshreyfingunni. Það hefði því þurft að fjölga þingmönnum um 6 í Reykjavík norður til þess að Íslandshreyfingin hefði fengið síðasta þingmanninn (þann sjötta sem bæta hefði þurft við). 

Þannig að allt tal um annað er bara þjóðsaga. menn ættu að kynna sér staðreyndir áður en þeir bulla eitthvað. 

[Fannar frá Rifi, 24.1.2009 kl. 20:32]

afsakið þetta var ekki rétt hjá mér.

það hefði þurft að bæta við 10 þingmönnum í RVK Norður ekki 6. 

þá hefði RVK norður verið með 19 kjördæmakjörna þingmenn. 

X-D hefði fengið 7 Þingmenn

X-B hefði fengið 1 Þingmann

X-F hefði fengið 1 Þingmann

X-S hefði fengið 6 þingmenn

X-V hefði fengið 3 þingmenn 

og að lokum hefði Íslandshreyfingin fengið nítjánda þingmannin og þann síðasta kjördæmakjörna.

þannig að þeir voru mjög langt frá því að ná inn. 

[Sigurður Hrellir, 25.1.2009 kl. 00:11]

Íslandshreyfingin fékk 5.953 atkvæði samtals af 185.071 greiddum atkvæðum sem gerir 3,2%. Ef kosningalögin væru réttlát og vægi atkvæða jafnt myndi þetta ná 2 mönnum á þing. Málið er að kerfið mismunar kjósendum og 5% reglan afar ósanngjörn því hún var notuð til að hræða fólk frá því að kjósa nýtt framboð Íslandshreyfingarinnar.

[Fannar frá Rifi, 25.1.2009 kl. 00:47]

Það sem mest hamlar nýjum framboðum eru lög um fjármál stjórnmálaflokka. að setja stjórnmálaflokka á þingi á beina ríkisstyrk og takmarka aðgang annara að fé er gegn lýðræðinu. þetta hefur gert núverandi flokka að stofnunum sem vilja ekki breytingar. allir flokkar á þingi eru jafn seki.

[Sigrún Friðriksdóttir, 25.1.2009 kl. 03:36]

Og hvað og hvern á svo að bjóða fram mér er SPURN, tel nú ekki liggja fyrir neina efnilega kandídata með nokkurra reynslu af nokkur tagi. Er ekki alveins gott að leggja alþingi út á tilboðstorg og reyna að ráða flinka fjármálamenn í vinnu.

Annars finnst mér bara ástandið SORGLEGT og engin ljós við endann á göngunum, ríkistjórn eða ekki.

[Héðinn Björnsson, 25.1.2009 kl. 10:54]

Ef Reykjavík heði verið eitt 21 þingmanna kjördæmi eins og eðlilegast væri hefði það væntanlega líka dugað.