Skoðanakönnun um ESB

ESB hefur aldrei falið löngun sína að fá okkur inn í sambandið. Ísland hefur ekki sýnt því áhuga, þótt við séum kaþólskari en páfinn í sumu. Þá ég við Schengen, sem margar ESB þjóðir hafa ekki séð ástæðu til að taka þátt í. Nú er búið að berja okkur til óbóta af sambandinu og á greinilega að notfæra sér veika aðstöðu okkar. Flýtimeðferðin, sem á víst ekki að vera til, stendur okkur til boða.

Ríkisstjórnin viðist hafa áhuga á aðildarviðræðum. Miðað við það sem á undan er gengið mun hún líka ákveða hvort við göngum Brussel á hönd eða ekki. Ég spái því að Olli hafi rétt fyrir sér, viið munum sækja um á árinu 2009 og verða komin inn í síðasta lagi 2011. Við verðum ekki spurð. Það verður engin þjóðaratkvæðagreiðsla. Evran verður svo orðin gjaldmiðill okkar í kring um 2016.

Endilega takið þátt í skoðanakönnuninni hér til vinstri. Eigum við að sækja um eða ekki? 

Rehn: Ísland gæti komið óvænt með aðildarumsókn 2009

Athugasemdir

[Jón Gunnar Bjarkan, 15.12.2008 kl. 14:56]

Ja hérna, íslenskir bankamenn hafa skilið eftir sig sinu hvert sem þeir hafa farið í ESB, við sem áttum að vera svo snjallastir og bestir í bankaklækjum gátum ekki fengið okkur til að hafa eftirlit með þessum mönnum, og núna erum við allt í einu bara litlu krúttin sem spilum okkur sem fórnarlamb í þessu öllu saman. Ég veit svo sem ekki á hvaða plánetu þú lifir ef þér þyki það eitthvað undarlegt ef ESB ríki vilja ekki lána okkur helling allan af peningum í eina hendinni ef við ætluðum svo að svíkjast undan skuldbindingum okkar í hinni.

[Villi Asgeirsson, 15.12.2008 kl. 14:59]

Ég lifi á plánetu ESB, í Hollandi. Var ekkert að tala um skuldbindingar og svik. Auðvitað voru bankarnir, stjórnvöld og eftirlit handónýtt í besta lagi, en ég trúi því ekki að ESB aðild muni laga neitt.

[Daníel Sigurður Eðvaldsson, 15.12.2008 kl. 15:47]

ESB aðild er ekki hvíti riddarinn eins og staðan er núna. VIð þurfum að vinna okkur upp úr vandamálunum með okkar gjaldmiðli og þeim tækjum sem við höfum. Ég er ekki andvígur að Ísland gangi inn í ESB, en þó vill ég frekar að við förum í aðildarviðræður, fáum samning sem við fáum að kjósa um. Ef samningurinn er góður og hentar þjóðinni vill ég fara í ESB.

[Jón Aðalsteinn Jónsson, 15.12.2008 kl. 16:38]

Það verður alltaf þjóðaratkvæðagreiðsla því að aðild að ESB samrýmist ekki stjórnarskránni

[gummih, 15.12.2008 kl. 16:41]

Ég er algerlega á móti aðild að bandalaginu. Það er alveg sama hversu góðan samning við myndum fá - það verður alltaf hægt að semja það frá okkur í framtíðinni. Stefna bandalagsins er til aukinnar sameiningar og sí-minnkandi neitunarvalds.

 Okkar framtíð er best borgið ef það erum við sem sjáum um að varðveita okkar hagsmuni og ekki Bretland, Frakkland, Spánn og Þýskaland. Segjum sem svo að við hefðum verið í bandalagi með þessum þjóðum þegar við útvíkkuðum landhelgina, hvernig haldið þið að það hefði verið tekið á því?

Ég vil hafa kosningarétt og að atkvæði mitt hafi eitthvað örlítið að segja. Ef Ísland gengur í Evrópubandalagið þá missi ég það.

[J.Þ.A (IP-tala skráð) 15.12.2008 kl. 16:42]

Því miður þá held ég að ESB hjálpi okkur ekki mikið, en það gæti kannski stöðvað spillinguna á komandi árum. Kannski. 

[Guðrún Sæmundsdóttir, 15.12.2008 kl. 22:05]

Hvaða fólki er treystandi til að fara í aðildarviðræður fyrir Íslands hönd? Skyldi það vera sama fólkinu og glataði fjárræði íslensku þjóðarinnar?

[Gunnlaugur Ingvarsson (IP-tala skráð) 15.12.2008 kl. 22:54]

Takk fyrir góðar umræður. Það er mikið rétt hjá þér J.Þ.A. að ESB myndi ekki hjálpa okkur, nema síður væri eins og berlega hefur komið í ljós.

Hitt er aftur á móti alls ekki rétt hjá þér að ESB valdið myndi stöðva spillinguna.

ESB skrifræðiskommisera kerfið og stofnanir þess eru útvaðandi í spillingu og sérhagsmunagæslu allskonar óskapnaði.

Til dæmis er talið að árlega glatist 50 milljarðar Evra í meðförum ESB skriffinnana.

Aðalreikningar Sambandsins hafa ekki fengist undirritaðir og samþykktar af lögskipuðum endurskoðendum Sambandsins í áraraðir, já ekki bara í fyrra eða hitti fyrra heldur hafa þeir ekki talið sig getað undirritað ársreikninga ESB í heil 14 ár samfleytt, sökum þess að þeir geta ekki skrifað undir svona botnlaust siðleysi og sukk.

[halkatla, 16.12.2008 kl. 15:46]

Alls, alls, ALLS EKKI

Það er skerí hvernig þessi Olli lætur, og enn meira skerí hvernig stór partur af íslensku þjóðinni lætur. Einsog þetta sé einhver töfralausn!

Við eigum að vera frjálst og óháð eyríki (sem segir sig úr Nató hið snarasta!)