Svona 230 manns ... og burt með spillingarliðið!

"Þarna var ekki nema svona 230 manns í mesta lagi", samkvæmt fréttatilkynningu Sannleiksmálaráðuneytisins. "Það voru einhverjir stúdentar þarna og svo kallinn sem sefur alltaf á bekknum. Hann rumskaði víst þegar liðið fór að syngja internationalinn, en snéri sér á hina hliðina og hraut í takt".

Þetta er svo fyndið. Bónusfáninn á Alþingishúsið. Ætli alvara málsins sé farin að síjast inn hjá ráðamönnum? Ég hefði gefið mikið fyrir að vera þarna, en alas... Gott samt að vita að fólk er að láta vita af sér.

Hiti í mönnum

Athugasemdir

[Jón Aðalsteinn Jónsson, 8.11.2008 kl. 15:51]

ja flott að draga a hun fana eins utrasarvikingana sem kómu okkur á hausinn Ég segi nu bara sveiattaner

[Kolbrún Hilmars, 8.11.2008 kl. 16:57]

Mér hefðist fundist táknrænna að kveikja í þessum fjárans fána -  en næstskársti kosturinn var að flagga honum þarna!

[Axel Þór Kolbeinsson, 8.11.2008 kl. 17:26]

I upphafi skyldi endirinn skoðast.  Ég held að þeir sem tóku sig til í eggjakasti og fleiru hafi gleymt því.

[Guðmundur Ásgeirsson, 8.11.2008 kl. 22:02]

Jón Aðalsteinn skilur greinilega ekki háðið sem felst í því að merkja Alþingi sem hóru auðvaldsins. Eða var það ekki á ábyrgð stjórnvalda að halda þessum ræningjum í skefjum með lagasetningu og viðeigandi eftirliti? Voru þeir kannski of uppteknir við laxveiðar í boði bankanna eða hvað?

Hverjir eru það t.d. sem bera ábyrgð á því hvernig staðið var að einkavæðingunni og settu þannig tónnin fyrir þá spillingu sem á eftir fylgdi? Þar fremstir í flokki voru tveir menn að nafni Davíð Oddsson þáverandi forsætisráðherra og Finnur Ingólfsson þáverandi viðskiptaráðherra, mig minnir að svo hafi einhver Geir verið þarna fjármálaráherra um svipað leyti líka!

[Greta Björg Úlfsdóttir, 8.11.2008 kl. 23:40]

Ég var þarna og fannst gaman.

Kannski var búið að setja upp fánann þegar ég kom, eða kannski hlustaði ég svona andaktug á Sigurbjörgu og Einar Má, að ég sá hann ekki...heyrði að vísu einhver læti upp við þinghúsið en færði mig bara nær pallinum til að heyra betur.

Ég segi bara að vonandi hafa þeir sem köstuðu eggjum og skyri í dag efni á að kaupa þessi matvæli og leggja þau sér til munns eftir nokkra mánuði. Vonandi fást þessar vörur enn í búðum eftir nokkra mánuði.

Ef ekki er sjálfhætt að kasta slíku í Alþingishúsið.

Vonandi taka ekki Mólótoffkokkteilar við því hlutverki. Þá væri fyrst þörf á að dulbúast, betur en með skýluklút framan í sér.

[corvus corax, 9.11.2008 kl. 16:17]

Vonandi ekki Molotoffkokteilar? Er það ekki einmitt næsta skref ef þessir valdasjúklingar fatta ekki að þeirra er ekki þörf lengur?

[Guðmundur Ásgeirsson, 9.11.2008 kl. 21:24]

Corvus, Molotovkokkteilar eru þegar byrjaðir að dynja á dýrum og fínum bílum hér og þar um borgina. Rödd úr undirheimunum hvíslaði að mér að allar kenningar um meint tryggingasvik séu blekking ein. Heldur beinist þessar aðgerðir markvisst gegn mönnum sem hafa gegnum tíðina svikið marga í sínum viðskiptum og braski bæði löglegu sem og "svörtu". Eru það þá misvandaðir einstaklingar sem eru að nýta sér ástandið til að ná fram hefndum á öðrum misvönduðum einstaklingum.

[Greta Björg Úlfsdóttir, 9.11.2008 kl. 21:29]

Margt er rotið í lýðveldinu Íslandi...bráðum Evrópunýlendunni.