Elsku Björn

Ég er svo ofboðslega til í að trúa þér. Ég vil að allt verði í lagi og að tekið verði á málunum af festu og sanngirni. Ég vil trúa að aðdragandi hrunsins verði rannsakaður af hlutlausum aðilum sem þora að horfast í augu við sannleikann, sama hve sár hann er. Ég vil að öll spilin verði lögð á borðið og að við fáum öll að vita hvað gerðist. Það er nefninlega líf okkar og heimili sem lögð voru að veði. Það er því gott að þú takir á þessu máli með meinta hagsmunaárekstra og skýrir það út fyrir okkur.

Málið sem þú minnist á snýst um tvo menn og syni þeirra. Viltu vera svo góður að rökstyðja á mannamáli að þar séu engir hagsmunaárekstrar í gangi? Viltu sýna okkur svo ekki verði um villst að uppgjörið verði sanngjarnt og gegnsætt? Þá skal ég vera þægur og góður og ekki vera með þetta endalausa tuð í garð ráðamanna.

Björn Bjarnason: Ákveðinn misskilningur í gangi

Athugasemdir

[Rakel Sigurgeirsdóttir, 4.11.2008 kl. 01:00]

Þetta er vissuega einlæg og falleg ræða sem þú stílar á Björn Bjarnason en því miður ég held að hann sé löngu búin að týna þeim tilfinningum sem þú reynir að höfða til. Mér þykir það leitt.

[Guðmundur Ásgeirsson, 4.11.2008 kl. 01:36]

Tími Björns í pólitík er í raun búinn, restin er aðeins gálgafrestur!

[Rakel Sigurgeirsdóttir, 4.11.2008 kl. 01:44]

Ótrúlega langur gálgafrestur sem hann hefur fengið en þeir halda vel utan um sína þarna í Sjálfstæðisflokknum. Sbr. t.d. Halldór Blöndal