Þeir fylgjast með...

Kunningi kunningja míns spáir töluvert í samsæriskenningar, CFR, Bilderberg hópinn, Illuminati, Rockefeller, Rothschild og allt það. Hann var í búð um daginn, valdi sér bók um eitthvað af ofngreindum málefnum og fór að kassanum til að borga. Hann tók upp debet kortið, en var snarlega stoppaður af afgreiðslumanninum. "Ef þú kaupir þessa bók með korti, verða send skilaboð í einhvern gagnagrunn og það verður fylgst með þér." Hann var með seðla á sér og borgaði þannig.

Ekki veit ég hvort það sé satt að rauð pera fari að blikka við hliðina á nafninu hans, en tæknilega er ekkert sem kemur í veg fyrir svona persónunjósnir. Holland er líka fæðingastaður Bilderberg hópsins og mikið af elítunni kemur héðan. Það fær mann allavega til að hugsa, þegar félag stórmarkaða fer að tala um að hætta að taka við peningum árið 2013. Þeir vilja bara kort. Af hverju? Af því að þannig er ekki hægt að ræna þá, er sagt. Hin hliðin er að þá er hægt að fylgjast með hvað þú étur, drekkur og reykir. Tryggingarfélagið gæti hugsanlega neitað að bæta þér vinnutap því þú kaupir kassa af bjór og reykir átta pakka í viku og étur þrjú Snickers á dag. Þar að auki borðar þú afskaplega lítið af grænmeti.

Allavega, nú er ég sennilega kominn á einhvern lista einhversstaðar eftir fyrstu setningu færslunnar.

Forsetinn geti lokað Netinu

Athugasemdir

[Skorrdal (IP-tala skráð) 3.9.2009 kl. 12:58]

Ég tek alltaf út úr hraðbanka, þar sem ég get ekki tekið beint út - og hver fær borguð laun í dag með ávísun eða peningum?

Þessi "kunningi kunningja" þíns, er örugglega eins "geðveikur" og ég - en ég treysti hans orðum frekar en orðum nokkurs sjórnmálamanns í dag, hvar á jörðinni sem hann er.

Borgaðu með peningum, ekki korti, ef þú vilt ekki að vitað sé í hvað þú eyðir! EN - bara svo þú vitir það - ég hef verið kallaður mörgum nöfum vegna minna skrifa og gagnrýni, og hér eru nokkur þeirra: "Geðsjúklingur", "Samsæriskenningarsmiður", "Bilaður" - og það sem mér þykir mest vænt um: "Dópisti"...

[Gunnar Th. Gunnarsson, 3.9.2009 kl. 14:22]

Ekki nenni ég að lifa með svona samsæriskenningar á heilanum

[Örn Ingvar (IP-tala skráð) 3.9.2009 kl. 17:27]

Bandaríkjamenn halda úti lista yfir þá sem fá ekki að fljúga innanlands hjá þeim. Talið er að á listanum séu vel yfir milljón nöfn en þeir hafa aldrei gefið upp hvers vegna einhver lendir á þessum lista.

Virðist ekki þurfa mikið til því mig minnir að Mandela hafi verið stoppaður í eitt skiptið og einhverjir bandarískir þingmenn líka.

Hvort sem þetta sé útaf bókum sem þeir keyptu veit ég ekki en það er ekki lengur hægt að neita því að það er fylgst með okkur. Echelon hefur verið staðfest og FBI rak prógram sem hét Carnivore sem skannaði allan tölvupóst í bandaríkjunum.

Einnig sýndi byltingin í Íran hversu öflugur þessi búnaður er orðin hvað varðar netsamskipti því þeir voru að nota búnað sem fjarskiptafyrirtæki nota í sínum netkjarna og geta grandskoðað hvert einasta skeyti og innihald þess. Þannig gátu þeir reynt að stjórna umræðunni á netinu (valið hvað var stoppað og hvað var leyft) auk þess að slökkva á gsm sendum eða nota þá til að átta sig á því hvar fólk var staðsett.

Er ekkert sérlega paranojaður sjálfur en þetta eru staðreyndir.

[Skorrdal (IP-tala skráð) 3.9.2009 kl. 17:32]

Þeir hafa mig á lista, Örn, því ég gaf út myndband... http://www.youtube.com/watch?v=73qH6sNNeJ8&feature=channel_page