Bönnum Jólasveininn!

Jólaálfarnir eru auðvitað ekkert annar en púkar komnir beint frá helvíti. Þeir eyðileggja jólapælinguna sem kristnir tróðu ofan í opið ógeðið á forfeðrum okkar. Það sést langar leiðir að þessir smáputtar eru ekkert annað en verkfæri þess sem talar tungum tveim.

Santa

Það sem gerir málið enn alvarlegra fyrir okkur íslendinga er að við höfum sett gömlu jólasveinana sem voru ekkert annað en þjófar og morðingjasynir í dulbúning hins fallega og afalega santaklos. Við bjóðum þessi kvikyndi velkomin og leyfum þeim að spreða verðlausu sælgæti meðan kötturinn þeirra veiðir börnin okkar í matinn fyrir foreldrana.

En þetta er ekki búið. Þessi rauðklæddi santaklos er uppfynning KókaKóla Kompanísins í Ameríku. Hann er ekkert annað en sölumaður drykks sem gerir börnin okkar feit, ofvirk og tannlaus. Þar fyrir utan er fyrirtækið sem gerði hann frægan risastórt og svoleiðis fyrirtækjum getum við aldrei treyst. Þau eru auðvitað innan undir hjá nýjaheimsliðinu sem er að vinna fyrir þann klaufska úr víti.

sinterklaas Sinterklaas

En hvaðan kom hugmyndin að Klos? Frá Hollandi, held ég alveg örugglega. Fimmta desember er smábörnum talin trú um að Sinterklaas komi og gefi þeim sælgæti. Hann kemur með litlu skipi frá Spáni í lok nóvember og ríður sínum hvíta hesti um Holland, dreifandi nammi. Aðstoðarmenn hans eru kallaðir Zwarte Piet, Svarti Pétur. Þeir mega elta Klás fótgangandi. Hann kemur sem sagt hingað til að halda upp á afmælið sitt. Stundum lítur hann út eins og biskup eða páfi með her afríkuþræla, en hollendingarnir sverja að litur Pésanna hafi ekkert með þrælasöluna að gera.

zwartepiet

En hvað um það, mikið væri gaman að prufa að vera jafn ginkeyptur og daninn í einn dag. Að vera fullorðinn maður og virkilega trúa að jólaálfar komi frá helvíti, að það sé yfirleitt til og fjandinn líka. Ég væri til í að sjá heiminn með hans augum í einn dag. Einn dag, ekki meir. 


mbl.is Vill banna jólasveina
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 identicon

Skilst að jólasveinabúningurinn sé upprunalega búningur durganna í "house of lords", lávarðadeildinni bresku, rauðir feldir með hvítum fóðringum. 

Góð umfjöllun, þessi sveinn er djöfullegur og enn eitt dæmið um hve kirkjan er annaðhvort tannlaus, eða bara hreinlega sjálf ofurseld djöfsa, að þetta ásamt ýmsu öðru mammon / pan / heiðniglingri sé liðið og haft með í kirkjunuml.

Gullvagninn (IP-tala skráð) 30.11.2008 kl. 17:14

2 identicon

Ég er eiginlega alveg hætt að þola þetta jólasveina vesen og skóinn. Þetta er orðið svo ýkt hjá sumum foreldr....uuu jólasveinum...Sumir eru eitthvað klikk með það hvað þeir setja í skóinn hjá börnunum og eru ekkert að pæla því hvað þeir eru að gera í raun og veru með þessum öfgagjöfum....ég er bara með temmilegt og krakkarnir mínir halda að jólasveininum finnist þau alveg ömurleg....ég hef reddað því með því að segja krökkunum mínum að jóli gefi ekki stórar gjafir í skóinn, að raunverulegi jóli gefi bara lítið, að hann geti ekki borið svona mikið í pokanum sínum...að stóru, dýru gjafirnar komi frá foreldrunum....ekki hinum raunverulega jólasveini.

Aðventukveðjur. 

alva (IP-tala skráð) 30.11.2008 kl. 22:25

3 Smámynd: Nexa

Litla fjölskyldan á Háasandi er búin að vera að spá í þessu með Zwarte Piet. Pólitískt rétthugsandi Íslendingar geta ekki annað en hugsað hvað þetta hlýtur að vera móðgandi fyrir allt litaða fólkið hér í Hollandi - að sjá fólk um tvítugt með skósvertu framan í sér í fjólubláum blöðrugalla og fjöður í húfunni, skoppandi um eins og blábjánar. Við hugsuðum auðvitað strax um nýlendutímann og þrælasölu...

Ég talaði loksins í mig kjark til að spyrja kollega minn í vinnunni og hann viðurkenndi að upphaflega hefur þetta tengst þrælum, en í dag er börnunum sagt að Zwarte Piet séu svona svartir af því þeir sendist með gjafirnar fyrir Sinter-Klaas og fari yfirleitt inn um strompinn.

Kosturinn hins vegar við Sinter-Klaas miðað við þessa þrettán æringja í Esjunni er að skórinn fer í gluggann þegar börnin eru búin að vera þæg og "Klaas" man eftir að kaupa eitthvað í hann.

Annar kostur við 5. des er að Bónusvíkingar frá Íslandi geta keypt jólagjafirnar á desemberútsölum...

Nexa, 1.12.2008 kl. 08:50

4 Smámynd: Villi Asgeirsson

Mats, sem er lítið barn rétt að slefa í 2, fékk sinterklaas bók frá ömmu sinni. Á kápunni er klasi teiknaður á hestinum og 3-4 svartir pésar hoppandi í kring um hann. Þegar ég sá bókina spurði ég hvort þetta væri saga um páfann í heimsókn í Afríku. Sem betur fer vita allir hvað ég er tillitslaus á hollenska siði, svo fólk skellti bara upp úr.

Villi Asgeirsson, 1.12.2008 kl. 09:49

5 Smámynd: Nexa

Talandi um jólin ... á að gera sér ferð í Utrecht 14. des á íslenskt jólaball?

Nexa, 1.12.2008 kl. 14:06

6 Smámynd: Villi Asgeirsson

Vissi ekki af því. Veistu hvar og hvenær?

Villi Asgeirsson, 1.12.2008 kl. 14:21

7 Smámynd: Nexa

Þetta er 14. des, kl 14-18 í Borderij Mereveld, Utrecht

Það eru líka upplýsingar á vefsíðu íslenskuskólans: http://s07.webhostingserver.nl/~deb13217/Islenskuskolinn/jolaball.htm

Nexa, 1.12.2008 kl. 18:56

8 Smámynd: Villi Asgeirsson

Mats er ári of ungur, rétt tæplega tveggja. Hann sefur milli ca. 2 og 5 og þetta er á þeim tíma. Eftir ár er hann klár í slaginn.

Villi Asgeirsson, 1.12.2008 kl. 19:43

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Innskráning

Ath. Vinsamlegast kveikið á Javascript til að hefja innskráningu.

Hafðu samband