Fallin stjarna eða..? (og kirkjan hans afa)

Mel Gibson hefur ekki átt fimm dagana sæla undanfarið. Myndirnar hans hafa vakið athygli fyrir blóð og ofbeldi, frekar en sögu og leik. Hann var með fyllerísröfl um gyðinga og hefur áunnið sér nafn sem trúarnöttari. Það breytir því samt ekki að hann er, eða var allavega, stórgóður leikari. Það er vonandi að Edge of Darkness nái að kippa honum upp úr niðurlægingu síðustu ára.

Og svo um eitthvað allt annað, sem mér datt í hug vegna trúarhita Gibsons. Ég var að finna færslu sem ég skrifaði fyrir um tveimur árum. Hún heitir Síðasta Messan og er um mann sem fer í messu. Þetta er auðvitað stutt og laggott, enda bloggfærsla. Mér var að detta í hug að breyta henni í örstutta stuttmynd. Kannski maður skjóti hana á einum degi næst þegar fótur snertir íslenska jörð. Kannski að þetta sé afsökun til að heimsækja litlu, gömlu sveitakirkjuna sem ég fór svo oft í með afa. Kannski...

Gibson leikur í næstu mynd sinni

Athugasemdir

[Hulduheimar, 29.4.2008 kl. 12:23]

Þú getur nú ekki hafa kynnt þér mikið myndir Gibson, The Passion of the Christ” árið 2004 og “Apocalypto” árið 2006. Vissulega eru þær blóðugar en sennilega þó fyrst og fremst raunsannar. Báðar eru mikil meistaraverk þar sem metnaður Gibson kemur glöggt í ljós. Hvað um það þó hann hafi hnýtt eitthvað út í gyðinga á fylleríi? Þetta trúarbragðasmjaður og ofurviðkvæmni út í slíkt er auðvitað beinlínis hlægilegt.

[Villi Asgeirsson, 29.4.2008 kl. 12:28]

Var ekki að segja að þær væru slæmar, heldur að athyglin hafi verið á vitlausum stöðum. Ég vona því að nýja myndin hjálpi honum að vekja aftur athyglinni á leikhæfileikunum.

[alva (IP-tala skráð) 29.4.2008 kl. 13:16]

´Takk fyrir að gerast bloggvinur :) Hvaða kirkja er þetta, hún er svo falleg?

[alva (IP-tala skráð) 29.4.2008 kl. 13:17]

já og ég las "síðustu messuna" , sniðugt að gera stuttmynd um þetta, áhugavert sjónarhorn á messustand íslendinga...sem er hverfandi.

[Villi Asgeirsson, 29.4.2008 kl. 13:21]

Hraungerðiskirkja, austan við Selfoss.

[Villi Asgeirsson, 29.4.2008 kl. 13:44]

En um Síðustu Messuna. Spurning hvort einhver fatti endinn.

[Gunnhildur Ólafsdóttir, 29.4.2008 kl. 13:58]

Séríslenskar sveitakirkjur sem eru hér í hverju einasta krummaskurði hafa yfir sér ákveðinn sjarma sem nær langt aftur í tímann...svo ég sé ekkert því til fyrirstöðu að myndefni tengt þeim gæti vakið lukku - og ef ekki þá er það bara gleðin sem fylgir...

[Jórunn Sigurbergsdóttir , 29.4.2008 kl. 20:30]

Ég man eftir þessari færslu hjá þér. Ekki vitlaust að gera stuttmynd bygða á sögunni.

[Villi Asgeirsson, 30.4.2008 kl. 08:21]

Jórunn, manstu eftir þessu? Það er ekkert annað. Það þyrfti auðvitað að breyta þessu, þvi færslan gengur mikið út á hugsanir, en það er ekkert mál.

[halkatla, 30.4.2008 kl. 09:16]

ég ætla ekki að horfa á Kristsmyndina þarsem ég hef mjög mikla fordóma fyrir henni, ég sá einu sinni 1 mínútu og það var eiginlega bara blóð og ég fíla það ekki, en ég dávnlódaði apócalypto um leið og það var hægt og hún var geggjuð, með betri myndum sem ég hef séð. Annars er ég alls ekki Mel Gibson aðdáandi, hvorki trúarlega né leikstjórnarlega (var ekkert rosa spennt yfir Braveheart t.d)

[halkatla, 30.4.2008 kl. 09:17]

já og ég elska gamlar sveitakirkjur

[BizNiz (IP-tala skráð) 22.5.2008 kl. 18:39]

[quote=Villi]Spurning hvort einhver fatti endinn.[/quote]

Hann er nú svosem enginn leyndardómur, en ég skil ekki alveg af hverju gamla konan er að horfa svona illa á hann.